Úkimet qaýlysymen Ekologiia, geologiia jáne tabiǵi resýrstar ministrliginiń qaramaǵynda Balyq sharýashylyǵy komiteti quryldy, dep habarlaidy "Ult aqparat".
Salanyń jeke vedomstvoǵa biriktirilýi jaqynda qabyldanǵan balyq sharýashylyǵyn damytýdyń 2030 jylǵa deiingi memlekettik baǵdarlamasyn tiimdi júzege asyrýǵa, balyq ósirý, tutyný jáne eksport kólemin josparǵa sai arttyrýǵa múmkindik beredi.
Memleket basshysy 2020 jylǵy Joldaýynda Qazaqstan balyq sharýashylyǵynyń áleýeti zor ekenin eskere otyryp, ony damytýǵa basa mán bere qajettigin aitqan.
Eske salaiyq, elimizde Aýyl sharýashylyǵy ministrligii quramynda bolǵan Balyq sharýashylyǵy komiteti 2014 jyly taratylǵan.
Odan beri balyq resýrstaryn qorǵaý, tiimdi paidalaný jáne kóbeitý salasyndaǵy memlekettik saiasatty Ekologiia ministrliginiń Orman sharýashylyǵy jáne janýarlar álemi komiteti júrgizip keledi.
Salaǵa qatysty mindetterdiń komitet pen jergilikti atqarýshy organdardyń jáne balyq sharýashylyǵyndaǵy ózin ózi basqarý sýbektileriniń arasynda bólinýi ortalyqtandyrylǵan túrde tiimdi jumys isteýge kedergi keltiredi.
Al jumysty júieli túrde júrgizý arqyly memlekettik baǵdarlamada kórsetilgendei sý resýrstaryndaǵy balyq ósirý kólemin 600 myń tonnaǵa jetkizýge bolady.
Balyq eksportyn 300 myń tonnaǵa deiin arttyrý jospary da bar. Ol úshin 545 jańa balyq sharýashylyǵy qurylyp, 323 sharýashylyq tolyq jobalyq qýatyna shyǵady.
Qazirgi ýaqytta jańa komitettiń aldynda memlekettik baǵdarlamanyń júzege asýyna jol ashatyn salany memlekettik qoldaý aiasyn keńeitý, zańnamany jetildirý, balyq jemi óndirisin jolǵa qoiý, kadrlyq qamtamasyz etý jumystaryn atqarý mindetteri tur.
