ٷكٸمەت قاۋلىسىمەن ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ قاراماعىندا بالىق شارۋاشىلىعى كوميتەتٸ قۇرىلدى, دەپ حابارلايدى "ۇلت اقپارات".
سالانىڭ جەكە ۆەدومستۆوعا بٸرٸكتٸرٸلۋٸ جاقىندا قابىلدانعان بالىق شارۋاشىلىعىن دامىتۋدىڭ 2030 جىلعا دەيٸنگٸ مەملەكەتتٸك باعدارلاماسىن تيٸمدٸ جٷزەگە اسىرۋعا, بالىق ٶسٸرۋ, تۇتىنۋ جەنە ەكسپورت كٶلەمٸن جوسپارعا ساي ارتتىرۋعا مٷمكٸندٸك بەرەدٸ.
مەملەكەت باسشىسى 2020 جىلعى جولداۋىندا قازاقستان بالىق شارۋاشىلىعىنىڭ ەلەۋەتٸ زور ەكەنٸن ەسكەرە وتىرىپ, ونى دامىتۋعا باسا مەن بەرە قاجەتتٸگٸن ايتقان.
ەسكە سالايىق, ەلٸمٸزدە اۋىل شارۋاشىلىعى مينيسترلٸگٸٸ قۇرامىندا بولعان بالىق شارۋاشىلىعى كوميتەتٸ 2014 جىلى تاراتىلعان.
ودان بەرٸ بالىق رەسۋرستارىن قورعاۋ, تيٸمدٸ پايدالانۋ جەنە كٶبەيتۋ سالاسىنداعى مەملەكەتتٸك ساياساتتى ەكولوگييا مينيسترلٸگٸنٸڭ ورمان شارۋاشىلىعى جەنە جانۋارلار ەلەمٸ كوميتەتٸ جٷرگٸزٸپ كەلەدٸ.
سالاعا قاتىستى مٸندەتتەردٸڭ كوميتەت پەن جەرگٸلٸكتٸ اتقارۋشى ورگانداردىڭ جەنە بالىق شارۋاشىلىعىنداعى ٶزٸن ٶزٸ باسقارۋ سۋبەكتٸلەرٸنٸڭ اراسىندا بٶلٸنۋٸ ورتالىقتاندىرىلعان تٷردە تيٸمدٸ جۇمىس ٸستەۋگە كەدەرگٸ كەلتٸرەدٸ.
ال جۇمىستى جٷيەلٸ تٷردە جٷرگٸزۋ ارقىلى مەملەكەتتٸك باعدارلامادا كٶرسەتٸلگەندەي سۋ رەسۋرستارىنداعى بالىق ٶسٸرۋ كٶلەمٸن 600 مىڭ تونناعا جەتكٸزۋگە بولادى.
بالىق ەكسپورتىن 300 مىڭ تونناعا دەيٸن ارتتىرۋ جوسپارى دا بار. ول ٷشٸن 545 جاڭا بالىق شارۋاشىلىعى قۇرىلىپ, 323 شارۋاشىلىق تولىق جوبالىق قۋاتىنا شىعادى.
قازٸرگٸ ۋاقىتتا جاڭا كوميتەتتٸڭ الدىندا مەملەكەتتٸك باعدارلامانىڭ جٷزەگە اسۋىنا جول اشاتىن سالانى مەملەكەتتٸك قولداۋ اياسىن كەڭەيتۋ, زاڭنامانى جەتٸلدٸرۋ, بالىق جەمٸ ٶندٸرٸسٸن جولعا قويۋ, كادرلىق قامتاماسىز ەتۋ جۇمىستارىن اتقارۋ مٸندەتتەرٸ تۇر.
