QR Saýda jáne integratsiia ministri Baqyt Sultanov vedomstvonyń basty maqsatyn atady, dep habarlaidy "Ult aqparat".
«Ministrliktiń maqsaty – barsha óndiristik-ótkizý tizbegine qatysýshylar múddeleriniń teńgerimin qalyptastyrý. Bul turǵyda óndirýshiler men treiderler, logister men transportshylar, satýshylar jáne tutynýshylar qamtylady. Bul teńgerimdi qamtamasyz etý úshin barlyq protsestiń naqty koordinatsiiasy, atalǵan tizbektegi barsha býyndar oiynshylarynyń erkin ári ashyq básekelestigi kerek», - dedi Sultanov onlain rejimde halyq aldynda esep berýi kezinde.
Onyń paiymynsha, tek osy jaǵdaida saýda júiesi dúken sórelerinde ádil, negizdelgen baǵanyń qalyptasýyn qamtamasyz ete alady.
«Bul ustanymdardy buzý - pandemiia áserinen osy problemalardy kórsetti. Iaǵni sońǵy bir jarym jylda álem elderinde jáne bizde azyq-túlik quny ósimi dúrbeleńine alyp keldi. Úkimet der kezinde áser etýge tyrysty jáne áleýmettik azyq-túlik ónimderine baǵany turaqtandyrý boiynsha jol kartasyn qabyldady», - dedi ministr.
Bul rette ol kartop baǵasynyń qymbattaýy sebebine toqtaldy.
«Úilesimsiz qadamnyń basty kórinisi – ol sońǵy birneshe aptada oryn alǵan kartopqa qatysty jaǵdai men onyń tapshylyǵy. Naryqtaǵy teńgerimsizdik soltústik óńirlerdegi kúzgi kartop taýsylǵanda jáne ońtústik aýmaqta jańa ónimdi jinaǵan kezde der kezinde óńiraralyq ózara is-qimylda rettelýi kerek. Onyń ishinde forvardty satyp alý eskerilgen jón. Ol úshin jergilikti atqarýshy organdarda resýrstar bar», - dedi Sultanov.
