قر ساۋدا جەنە ينتەگراتسييا مينيسترٸ باقىت سۇلتانوۆ ۆەدومستۆونىڭ باستى ماقساتىن اتادى, دەپ حابارلايدى "ۇلت اقپارات".
«مينيسترلٸكتٸڭ ماقساتى – بارشا ٶندٸرٸستٸك-ٶتكٸزۋ تٸزبەگٸنە قاتىسۋشىلار مٷددەلەرٸنٸڭ تەڭگەرٸمٸن قالىپتاستىرۋ. بۇل تۇرعىدا ٶندٸرۋشٸلەر مەن ترەيدەرلەر, لوگيستەر مەن ترانسپورتشىلار, ساتۋشىلار جەنە تۇتىنۋشىلار قامتىلادى. بۇل تەڭگەرٸمدٸ قامتاماسىز ەتۋ ٷشٸن بارلىق پروتسەستٸڭ ناقتى كوورديناتسيياسى, اتالعان تٸزبەكتەگٸ بارشا بۋىندار ويىنشىلارىنىڭ ەركٸن ەرٸ اشىق بەسەكەلەستٸگٸ كەرەك», - دەدٸ سۇلتانوۆ ونلاين رەجيمدە حالىق الدىندا ەسەپ بەرۋٸ كەزٸندە.
ونىڭ پايىمىنشا, تەك وسى جاعدايدا ساۋدا جٷيەسٸ دٷكەن سٶرەلەرٸندە ەدٸل, نەگٸزدەلگەن باعانىڭ قالىپتاسۋىن قامتاماسىز ەتە الادى.
«بۇل ۇستانىمداردى بۇزۋ - پاندەمييا ەسەرٸنەن وسى پروبلەمالاردى كٶرسەتتٸ. ياعني سوڭعى بٸر جارىم جىلدا ەلەم ەلدەرٸندە جەنە بٸزدە ازىق-تٷلٸك قۇنى ٶسٸمٸ دٷربەلەڭٸنە الىپ كەلدٸ. ٷكٸمەت دەر كەزٸندە ەسەر ەتۋگە تىرىستى جەنە ەلەۋمەتتٸك ازىق-تٷلٸك ٶنٸمدەرٸنە باعانى تۇراقتاندىرۋ بويىنشا جول كارتاسىن قابىلدادى», - دەدٸ مينيستر.
بۇل رەتتە ول كارتوپ باعاسىنىڭ قىمباتتاۋى سەبەبٸنە توقتالدى.
«ٷيلەسٸمسٸز قادامنىڭ باستى كٶرٸنٸسٸ – ول سوڭعى بٸرنەشە اپتادا ورىن العان كارتوپقا قاتىستى جاعداي مەن ونىڭ تاپشىلىعى. نارىقتاعى تەڭگەرٸمسٸزدٸك سولتٷستٸك ٶڭٸرلەردەگٸ كٷزگٸ كارتوپ تاۋسىلعاندا جەنە وڭتٷستٸك اۋماقتا جاڭا ٶنٸمدٸ جيناعان كەزدە دەر كەزٸندە ٶڭٸرارالىق ٶزارا ٸس-قيمىلدا رەتتەلۋٸ كەرەك. ونىڭ ٸشٸندە فورۆاردتى ساتىپ الۋ ەسكەرٸلگەن جٶن. ول ٷشٸن جەرگٸلٸكتٸ اتقارۋشى ورگانداردا رەسۋرستار بار», - دەدٸ سۇلتانوۆ.
