Qazaqstanda 25 adam raqymshylyqpen bostandyqqa shyqty, - dep habarlaidy "Ult aqparat" Qylmystyq-atqarý júiesi komitetiniń baspasóz qyzmetine silteme jasap.
"Memleket basshysy Táýelsizdiktiń 25 jyldyǵyna orai raqymshylyq jasaý týraly zańǵa qol qoiǵannan keiin Qylmystyq-atqarý júiesi mekemeleri men probatsiia qyzmetterinde materialdardy sotqa jiberý boiynsha úlken jumystar júrgizildi. 24 qańtarda sotqa segiz myńnan asa material jiberildi", - dedi Qylmystyq-atqarý júiesi komitetindegiler.
Sondai-aq, sotqa qamaýda otyrǵandardy bosatýǵa qatysty 2 myńnan asa material kelip túsken jáne bostandyqtan aiyrý týraly sheshimder aiyppulǵa aýystyrylǵan. Qalǵan alty myńnan asa material probatsiia qyzmetindegilerden kelgen.
Eske sala keteiik, 2016 jyldyń 13 jeltoqsanynda Nursultan Nazarbaev raqymshylyq jasaý týraly zańǵa jariia túrde qol qoiǵan bolatyn. "Raqymshylyq 28 myńǵa jýyq azamatqa jasalady dep josparlanyp otyr. Bul - el Táýelsizdiginiń mereitoiy qarsańyndaǵy mańyzdy adamgershilik aktsiiasy", - dedi Elbasy.
