Álem elderi arasynda ailyq jalaqynyń ortasha mólsheri boiynsha reitingide Qazaqstan 80-orynǵa ie boldy. Qazaqstandyqtardyń jalaqy mólsheri - 414,29 dollar, - dep habarlaidy Tengrinews.kz agenttigi ranking.kz portalyna silteme jasap.
Eń joǵary jalaqy Shveitsariiada, Singapýrde jáne Aýstraliiada, al eń tómengi jalaqy Shri-Lankada tirkelgen.
TMD elderi arasynda Qazaqstanǵa qaraǵanda Reseide (884,14 AQSh dollary), Ýkrainada (512,66 AQSh dollary) jáne Armeniiada (420,68 AQSh dollary) jalaqy mólsheri kóp.
Moldovada (387,9 AQSh dollary), Ázerbaijanda (323,44 AQSh dollary) jáne Ózbekstanda (277,73 AQSh dollary) bul kórsetkishter tómen.
Qazaqstanda biylǵy birinshi toqsandaǵy ortasha ailyq jalaqy 285,4 myń teńgege jetken. Bul byltyrmen salystyrǵanda 23,7 paiyzǵa artyq. 2021 jyly ortasha ailyq jalaqy 230,8 myń teńge bolǵan edi.
Óńirler arasynda eń joǵary jalaqy munai-gaz óndiretin aimaqtarda tirkelgen. Atyraý oblysynda 477,9 myń teńge, bul 1 jyl burynǵyǵa qaraǵanda 17,8 paiyzǵa artyq.
Ekinshi orynda - Mańǵystaý oblysy. Onda - 416,2 myń teńge. Kóshbasshy óńirler úshtigin elorda aiaqtaidy, onda - 366,5 myń teńge.
Eń tómengi jalaqy Soltústik Qazaqstan oblysynda tirkelgen, onda - 203,4 myń teńge. Byltyrmen salystyrǵanda 22 paiyzǵa artyq.
