Jyl basynda elimizde jumys istep turǵan 330,3 myń kompaniia tirkeldi. Bul bir jyl burynǵy kórsetkishten 7,2 paiyzǵa kóp, dep habarlaidy "Ult aqparat".
Ranking.kz portalynyń málimetinshe, atalǵan kompaniialardyń 99 myńyna áielder basshylyq jasaidy jáne kórsetkish 1 jyldyń ishinde 7 paiyzǵa artyp otyr. Jalpy, elimizde úshinshi jyl qatarynan jumys istep turǵan kompaniialarda basshylyq laýazymdaǵy áielderdiń úlesi 30 paiyzdy quraidy.
Orta kompaniialarǵa jetekshilik etetin áielderdiń úlesi óte joǵary ári jyldan jylǵa artyp, qazirgi ýaqytta kórsetkish 35,7 paiyzǵa jetip otyr. Al shaǵyn kompaniialarda basshylyq jasaityn áielder úlesi 30-dan 29,9 paiyzǵa azaidy. Sońǵy jyldary iri kompaniialarda da basshylyq qyzmet atqaratyn áielderdiń kórsetkishi 18,8 paiyzdan 18 paiyzǵa kemigen.
Dúniejúzilik ekonomikalyq forýmnyń genderlik teńsizdiktiń oryn alyp otyrǵan deńgeii boiynsha Global Gender Gap Report 2020 baiandamasynda aitylǵandai, Qazaqstan 153 eldiń ishinde 72-orynda tur. Al EAEO elderi arasynda Belarýstyń kórsetkishi úzdik. Bul el reitingtiń 29-ornyna ilikken. Resei – 81, Qyrǵyzstan – 93, al Armeniia 98-orynǵa turaqtaǵan.
