Qazaqstanda avtobýstarda beinebaqylaý kameralary arqyly jolaýshylardyń betperde taqqan-taqpaǵanyn anyqtaýǵa bolatyn pilottyq joba iske qosyldy. Bul joba birinshi bolyp ońtústik astanada júzege asyp jatyr. Birneshe aptada Almatyda avtobýstaǵy beinebaqylaý kameralary arqyly 1800-ge jýyq jolaýshynyń meditsinalyq betperde taqpaǵany anyqtaldy. Bul statistikalyq kórsetkishti Almatynyń mobildilik basqarmasynyń basshysy Erlan Ádilov habarlady, - dep habarlaidy «Ult aqparat».
Aita keteiik, Almatyda mundai beinebaqylaý kameralary tamyz aiynda iske qosylǵan bolatyn. Pilottyq joba №120 jáne №63 baǵytynda qatynaityn 4 avtobýsqa segiz kamera ornatýdan bastaldy. Qalanyń mobildilik basqarmasynyń habarlaýynsha, bul joba ári qarai da jalǵasyn tabady.
Pilottyq jobany damytý úshin Almatynyń "Kólik holdingi" JShS men "Qazaqtelekom" aktsionerlik qoǵamy arasynda kelisim jasaldy. Sol arqyly qyrkúiek aiynyń aiaǵyna deiin segiz baǵytta jolaýshy tasymaldaityn 32 avtobýsqa qosymsha kamera ornatylady.
Almatynyń mobildilik basqarmasynyń habarlaýynsha, endi № 25, Seifýllin kóshesimen jolaýshy tasymaldaityn № 7 trolleibýs pen №205, №137, №37, №69, №38, №63 avtobýstaryna qosymsha beinebaqylaý kameralary qoiylady.
Tamyz aiynda pilottyq joba barysynda meditsinalyq betperde taqpaǵan 1 773 jolaýshy anyqtaldy, onyń ishinde 1 106 adam meditsinalyq betperde taqpaǵan, al qalǵan 667 adam avtobýsqa meditsinalyq betperdeni durys taqpai otyrǵan.
Sonymen qatar pilottyq joba iske asyrylǵan ýaqyt barysynda avtobýs júrgizýshileriniń de jumysyna júkteme artty. Sol sebepti bir avtobýs júrgizýshisi qyzmetinen bosatyldy, al úsh júrgizýshige sógis jariialandy.
#Júie qalai jumys isteidi?
Eń aldymen avtobýstaǵy beinebaqylaý kameralary adamnyń jeke basyn anyqtamaitynyn aita ketken jón. Bul jaiynda Almaty qalasy tsifrlandyrý basqarmasynyń basshysy Baian Qońyrbaev málimdedi. Sonymen qatar bul júie jolaýshylardy jazalaý úshin emes, onyń ishinde aiyppul salý maqsatynda emes, kerisinshe, qala turǵyndary men megapolis turǵyndaryn meditsinalyq betperde taǵý mádenietine úireti maqsatynda júzege asatyn bolady.
Júie boiynsha kameralar ár jolaýshynyń jeke-jeke qarap, onyń meditsinalyq betperdeni durys taqpaǵanyn anyqtaidy. Ol belgi beinebaqylaýdy baqylaýdy qarap otyrǵan dispetcherlik qyzmet postyna kelip túsedi. Sodan keiin dispetcher avtobýs júrgizýshisine belgi beredi. Júrgizýshi kólikti toqtatyp, jolaýshyǵa maska taǵýdy nemese salonnan shyǵýdy usynady.
"Bul jerde eń aldymen, turǵyndar men avtobýs júrgizýshilerin jazalaý emes, kerisinshe, pandemiianyń taralýyn boldyrmaý kózdelip otyrǵanynn eskerý qajet. Sonda adamdar únemi betperdeniń bar-joǵyn baqylaityn júieniń bar ekenin, kameraǵa ózi de túsip qalýy múmkin ekenin biletin bolady. Pandemiianyń ekinshi tolqyny bastalmas buryn osy júieni rettep, halyqty daiyndaý mańyzdy bolyp sanalady", - dedi Baian Qońyrbaev.
Aita keteiik, bul júie avtobýstaǵy adamdardyń jalpy sanyn kóredi. Adamnyń bet biometriiasyn paidalanbaidy. Platforma mashinalyq oqytý jáne jasandy intellekt tehnologiialaryn qoldaný negizinde ázirlengen.
Almaty qaladasy mobildilik basqarmasynyń basshysynyń aitýynsha, jaqyn arada qoǵamdyq kólikterde Wi-Fi arqyly tegin internetti qoldana alady. Tegin Wi-Fi eń aldymen trolleibýstarǵa qoiylady.
