قازاقستاندا اۆتوبۋستاردا بەينەباقىلاۋ كامەرالارى ارقىلى جولاۋشىلاردىڭ بەتپەردە تاققان-تاقپاعانىن انىقتاۋعا بولاتىن پيلوتتىق جوبا ٸسكە قوسىلدى. بۇل جوبا بٸرٸنشٸ بولىپ وڭتٷستٸك استانادا جٷزەگە اسىپ جاتىر. بٸرنەشە اپتادا الماتىدا اۆتوبۋستاعى بەينەباقىلاۋ كامەرالارى ارقىلى 1800-گە جۋىق جولاۋشىنىڭ مەديتسينالىق بەتپەردە تاقپاعانى انىقتالدى. بۇل ستاتيستيكالىق كٶرسەتكٸشتٸ الماتىنىڭ موبيلدٸلٸك باسقارماسىنىڭ باسشىسى ەرلان ەدٸلوۆ حابارلادى, - دeپ حابارلايدى «ۇلت اقپارات».
ايتا كەتەيٸك, الماتىدا مۇنداي بەينەباقىلاۋ كامەرالارى تامىز ايىندا ٸسكە قوسىلعان بولاتىن. پيلوتتىق جوبا №120 جەنە №63 باعىتىندا قاتىنايتىن 4 اۆتوبۋسقا سەگٸز كامەرا ورناتۋدان باستالدى. قالانىڭ موبيلدٸلٸك باسقارماسىنىڭ حابارلاۋىنشا, بۇل جوبا ەرٸ قاراي دا جالعاسىن تابادى.
پيلوتتىق جوبانى دامىتۋ ٷشٸن الماتىنىڭ "كٶلٸك حولدينگٸ" جشس مەن "قازاقتەلەكوم" اكتسيونەرلٸك قوعامى اراسىندا كەلٸسٸم جاسالدى. سول ارقىلى قىركٷيەك ايىنىڭ اياعىنا دەيٸن سەگٸز باعىتتا جولاۋشى تاسىمالدايتىن 32 اۆتوبۋسقا قوسىمشا كامەرا ورناتىلادى.
الماتىنىڭ موبيلدٸلٸك باسقارماسىنىڭ حابارلاۋىنشا, ەندٸ № 25, سەيفۋللين كٶشەسٸمەن جولاۋشى تاسىمالدايتىن № 7 تروللەيبۋس پەن №205, №137, №37, №69, №38, №63 اۆتوبۋستارىنا قوسىمشا بەينەباقىلاۋ كامەرالارى قويىلادى.
تامىز ايىندا پيلوتتىق جوبا بارىسىندا مەديتسينالىق بەتپەردە تاقپاعان 1 773 جولاۋشى انىقتالدى, ونىڭ ٸشٸندە 1 106 ادام مەديتسينالىق بەتپەردە تاقپاعان, ال قالعان 667 ادام اۆتوبۋسقا مەديتسينالىق بەتپەردەنٸ دۇرىس تاقپاي وتىرعان.
سونىمەن قاتار پيلوتتىق جوبا ٸسكە اسىرىلعان ۋاقىت بارىسىندا اۆتوبۋس جٷرگٸزۋشٸلەرٸنٸڭ دە جۇمىسىنا جٷكتەمە ارتتى. سول سەبەپتٸ بٸر اۆتوبۋس جٷرگٸزۋشٸسٸ قىزمەتٸنەن بوساتىلدى, ال ٷش جٷرگٸزۋشٸگە سٶگٸس جارييالاندى.
#جٷيە قالاي جۇمىس ٸستەيدٸ?
ەڭ الدىمەن اۆتوبۋستاعى بەينەباقىلاۋ كامەرالارى ادامنىڭ جەكە باسىن انىقتامايتىنىن ايتا كەتكەن جٶن. بۇل جايىندا الماتى قالاسى تسيفرلاندىرۋ باسقارماسىنىڭ باسشىسى بايان قوڭىرباەۆ مەلٸمدەدٸ. سونىمەن قاتار بۇل جٷيە جولاۋشىلاردى جازالاۋ ٷشٸن ەمەس, ونىڭ ٸشٸندە ايىپپۇل سالۋ ماقساتىندا ەمەس, كەرٸسٸنشە, قالا تۇرعىندارى مەن مەگاپوليس تۇرعىندارىن مەديتسينالىق بەتپەردە تاعۋ مەدەنيەتٸنە ٷيرەتٸ ماقساتىندا جٷزەگە اساتىن بولادى.
جٷيە بويىنشا كامەرالار ەر جولاۋشىنىڭ جەكە-جەكە قاراپ, ونىڭ مەديتسينالىق بەتپەردەنٸ دۇرىس تاقپاعانىن انىقتايدى. ول بەلگٸ بەينەباقىلاۋدى باقىلاۋدى قاراپ وتىرعان ديسپەتچەرلٸك قىزمەت پوستىنا كەلٸپ تٷسەدٸ. سودان كەيٸن ديسپەتچەر اۆتوبۋس جٷرگٸزۋشٸسٸنە بەلگٸ بەرەدٸ. جٷرگٸزۋشٸ كٶلٸكتٸ توقتاتىپ, جولاۋشىعا ماسكا تاعۋدى نەمەسە سالوننان شىعۋدى ۇسىنادى.
"بۇل جەردە ەڭ الدىمەن, تۇرعىندار مەن اۆتوبۋس جٷرگٸزۋشٸلەرٸن جازالاۋ ەمەس, كەرٸسٸنشە, پاندەمييانىڭ تارالۋىن بولدىرماۋ كٶزدەلٸپ وتىرعانىنن ەسكەرۋ قاجەت. سوندا ادامدار ٷنەمٸ بەتپەردەنٸڭ بار-جوعىن باقىلايتىن جٷيەنٸڭ بار ەكەنٸن, كامەراعا ٶزٸ دە تٷسٸپ قالۋى مٷمكٸن ەكەنٸن بٸلەتٸن بولادى. پاندەمييانىڭ ەكٸنشٸ تولقىنى باستالماس بۇرىن وسى جٷيەنٸ رەتتەپ, حالىقتى دايىنداۋ ماڭىزدى بولىپ سانالادى", - دەدٸ بايان قوڭىرباەۆ.
ايتا كەتەيٸك, بۇل جٷيە اۆتوبۋستاعى ادامداردىڭ جالپى سانىن كٶرەدٸ. ادامنىڭ بەت بيومەتريياسىن پايدالانبايدى. پلاتفورما ماشينالىق وقىتۋ جەنە جاساندى ينتەللەكت تەحنولوگييالارىن قولدانۋ نەگٸزٸندە ەزٸرلەنگەن.
الماتى قالاداسى موبيلدٸلٸك باسقارماسىنىڭ باسشىسىنىڭ ايتۋىنشا, جاقىن ارادا قوعامدىق كٶلٸكتەردە Wi-Fi ارقىلى تەگٸن ينتەرنەتتٸ قولدانا الادى. تەگٸن Wi-Fi ەڭ الدىمەن تروللەيبۋستارعا قويىلادى.
