sýret ashyq derekkózden alyndy
Qazaqstanda 1 qańtardan bastap avtogazdyń shekti bólshek saýdadaǵy baǵasy qaita bekitilmek. Energetika ministrligi buiryq jobasyn ázirledi, dep habarlaidy Sputnik Qazpaqstan.
Buiryq jobasy "Ashyq" NQA portalynda jariialandy. Qujat 2023 jyldyń 19 jeltoqsanyna deiin qoǵamdyq talqylaýda bolady.
Qujatta kórsetilgendei, elimizde 2024 jyldyń 1 qańtarynan bastap avtogaz baǵasyn ósirý josparlanyp otyr.
• Astanada – litri 70 teńgeden 76 teńgege deiin;
• Almatyda – litri 75 teńgeden 81 teńgege deiin;
• Shymkentte – litri 60 teńgeden 64 teńgege deiin;
• Almaty oblysy, Soltústik Qazaqstan oblystarynda – tiisinshe 75 teńgeden (shalǵai eldi mekenderde – 80 teńge) 81 jáne 86 teńgege deiin;
• Aqmola oblysynda – 70 teńgeden (shalǵai aýdandarda – 75 teńge) 76 jáne 81 teńgege deiin;
• Aqtóbe, Atyraý, Mańǵystaý oblystarynda – 50 (55) teńgeden 54 (59) teńgege deiin;
• Shyǵys Qazaqstan, Qostanai, Qaraǵandy, Abai, Jetisý, Ulytaý oblystarynda – 70 (75) teńgeden 76 (81) teńgege deiin;
• Jambyl oblysynda – 65 (70) teńgeden 71 (76) teńgege deiin;
• BQO, Qyzylorda, Túrkistan oblystarynda – 60 (65) teńgeden 64 (69) teńgege;
• Pavlodar oblysynda – 70 (75) teńgeden 74 (79) teńgege deiin kóterý josparlanýda.
"Engizilgen ózgerister qazirgi kezeńde suiytylǵan munai gazyna baǵanyń ósýin bildirmeidi. Aita ketý kerek, kóterme jáne bólshek saýdanyń shekti baǵalary suiytylǵan munai gazyn óndirý qunyn eskere otyryp túzetiletin bolady", - dep málimdedi Energetika ministrligi.
Buǵan deiin vedomstvo Qazaqstanda avtogaz eki ese qymbattaitynyn, biraq birtindep ósetinin málimdegen edi. Vedomstvo málimetinshe, qazir suiytylǵan gazdyń baǵasy ózindik qunnan tómen.
"Baǵanyń kúrt qymbattaýyna jol bermeimiz, naryqqa qatysýshylar shyǵynǵa ushyramas úshin suiytylǵan munai gazynyń qunyn eń bolmaǵanda ózindik qunyna deiin jetkizemiz", - degen bolatyn Energetika ministri Almasadam Sátqaliev.
Eske sala keteiik, avtogazdyń qazirgi shekti baǵasy 2023 jyldyń 31 jeltoqsanyna deiin jaramdy. Osyǵan bailanysty ministrlik buiryq jobasyn "Ashyq" NQA portalynda jariialaý merzimin 10 jumys kúninen 5 jumys kúnine deiin qysqartýdy usynyp otyr.
