Foto: Úkimet
Qazaqstan qalalyq aerotaksi jáne azamattyq aviatsiia infraqurylymyn tsifrlandyrý jobalaryn júzege asyrýǵa kirisedi. Ozyq tehnologiialar men biometriialyq baqylaýdy engizý týraly Úkimet otyrysynda Kólik ministri Nurlan Saýranbaev baiandady, dep habarlaidy Ult.kz.
Elimizde jańa aerotaksi segmentin damytý sheńberinde otandyq kompaniialar pilotsyz synaq ushaqtaryn satyp alýda, sondai-aq qoný alańdary men operatsiialyq ortalyqtyń qurylysyn bastady.
Budan basqa, áýejailarda Q-Gate tsifrlyq júiesi keń aýqymda engizilip, baqylaý ýaqyty 3 minýttan 50 sekýndqa deiin qysqarady: biyl Astana men Almatydaǵy 16 terminalǵa Shymkent, Atyraý, Aqtóbe jáne Aqtaý qalalaryndaǵy taǵy 16 terminal qosylady. Kelesi qadam – Astana–Shymkent baǵyty boiynsha ishki reisterde biometriiany engizý boiynsha pilottyq jobany iske qosý.
«Tsifrlyq tehnologiialar júk segmentinde de qarqyndy engizilýde. E-Freight aqparattyq júiesin iske qosý protsesterdi elektrondyq formatqa tolyǵymen aýystyrýǵa jáne aviajúkterdi óńdeý ýaqytyn bir kúnnen bir saǵatqa deiin qysqartýǵa múmkindik beredi», — dedi Nurlan Saýranbaev.
