فوتو: ٷكٸمەت
قازاقستان قالالىق اەروتاكسي جەنە ازاماتتىق اۆياتسييا ينفراقۇرىلىمىن تسيفرلاندىرۋ جوبالارىن جٷزەگە اسىرۋعا كٸرٸسەدٸ. وزىق تەحنولوگييالار مەن بيومەترييالىق باقىلاۋدى ەنگٸزۋ تۋرالى ٷكٸمەت وتىرىسىندا كٶلٸك مينيسترٸ نۇرلان ساۋرانباەۆ باياندادى, دەپ حابارلايدى Ult.kz.
ەلٸمٸزدە جاڭا اەروتاكسي سەگمەنتٸن دامىتۋ شەڭبەرٸندە وتاندىق كومپانييالار پيلوتسىز سىناق ۇشاقتارىن ساتىپ الۋدا, سونداي-اق قونۋ الاڭدارى مەن وپەراتسييالىق ورتالىقتىڭ قۇرىلىسىن باستادى.
بۇدان باسقا, ەۋەجايلاردا Q-Gate تسيفرلىق جٷيەسٸ كەڭ اۋقىمدا ەنگٸزٸلٸپ, باقىلاۋ ۋاقىتى 3 مينۋتتان 50 سەكۋندقا دەيٸن قىسقارادى: بيىل استانا مەن الماتىداعى 16 تەرمينالعا شىمكەنت, اتىراۋ, اقتٶبە جەنە اقتاۋ قالالارىنداعى تاعى 16 تەرمينال قوسىلادى. كەلەسٸ قادام – استانا–شىمكەنت باعىتى بويىنشا ٸشكٸ رەيستەردە بيومەترييانى ەنگٸزۋ بويىنشا پيلوتتىق جوبانى ٸسكە قوسۋ.
«تسيفرلىق تەحنولوگييالار جٷك سەگمەنتٸندە دە قارقىندى ەنگٸزٸلۋدە. E-Freight اقپاراتتىق جٷيەسٸن ٸسكە قوسۋ پروتسەستەردٸ ەلەكتروندىق فورماتقا تولىعىمەن اۋىستىرۋعا جەنە اۆياجٷكتەردٸ ٶڭدەۋ ۋاقىتىن بٸر كٷننەن بٸر ساعاتقا دەيٸن قىسقارتۋعا مٷمكٸندٸك بەرەدٸ», — دەدٸ نۇرلان ساۋرانباەۆ.
