2021 jyldyń 1 shildesine deiin Qazaqstanda aýmaqtyq damý jospary ázirlenedi. Bul týraly Úkimettiń keńeitilgen quramdaǵy otyrysynda Strategiialyq josparlaý jáne reformalar agenttiginiń tóraǵasy Qairat Kelimbetov málim etti, dep habarlaidy QazAqparat.
«Ulttyq damý jospary, Aýmaqtyq damý jospary Ulttyq qaýipsizdik strategiiasy sekildi memlekettik apparattyń ortalyq ári óńirlik deńgeilerde maqsattar men mindetterin aiqyndaidy. Sonymen birge, Qazaqstannyń aýmaqtary men óńirlerin damytý airyqsha mańyzǵa ie bolady», - dedi Q. Kelimbetov.
Onyń aitýynsha, aýmaqtyq damý jospary memlekettik josparlaý júiesiniń birinshi deńgeiine bekitildi. Osy oraida onyń Ulttyq damý josparymen naqty ózara bailanysyn qamtamasyz etý maqsaty eskerildi.
«Jalpy, Aýmaqtyq damý jospary óńilerdiń róli men jaýapkershiligin arttyrý múmkindigin qarastyrady, sondai-aq Qazaqstannyń aýmaqtyq keńistik damýyn qamtidy. 2021 jyldyń 1 shildesine deiin aýmaqtyq damý josparyn ázirleý eskerilip otyr. Ol eldiń ár óńiriniń básekelestik basymdyǵy negizinde qurylady», - dedi Kelimbetov.
