Qazaqstandaǵy áýekompaniialar qyzmeti bir jyl burynǵyǵa qaraǵanda, 18 paiyzǵa jýyq qymbattady, - dep habarlaidy Tengrinews.kz tilshisi Finprom.kz saityna silteme jasap.
Aqpannyń qorytyndysy boiynsha, áýe biletteriniń baǵasy bir jylda Shyǵys Qazaqstan oblysynda birden 45,7 paiyzǵa ósti. Alǵashqy úshtikte: Mańǵystaý oblysy - 43,2 paiyz jáne Túrkistan oblysy - 34,8 paiyz.
Eki oblysta - Aqmola jáne Soltústik Qazaqstan oblystarynda baǵa ózgermegeni, al Pavlodar men Jambyl oblystarynda 14,2 jáne 22,2 paiyzǵa tómendegeni naqtylandy.
"Biyl aqpanda eldegi jolaýshylar áýekóligi qyzmetteriniń baǵasy byltyrǵymen salystyrǵanda 17,7 paiyzǵa ósti", - delingen habarlamada.
Sonymen qatar, Reseige qarsy sanktsiialar aiasynda Qazaqstannyń áýe tasymaly men logistika sektory ózgeredi dep kútiledi.
Osylaisha, áýe keńistigin jabýǵa qatysty qazirgi jaǵdaiǵa bailanysty áýe aǵynynyń bir bóligi Qara teńiz aimaǵynan Qazaqstan aýmaǵyna qaita baǵyttaldy, dep habarlady Indýstriia jáne infraqurylymdyq damý ministrligi.
Eldiń aeronavigatsiia júiesiniń múmkindigi qosymsha áýe qozǵalysyn shekteýsiz qabyldaýǵa múmkindik beredi, delingen ministrlik habarlamasynda.
