Qazaqstanda alǵashqy «Potter poiyzyna» 300-den astam jolaýshy qatysty

Foto: QTJ

Astanada otbasylyq mádeni-oiyn-saýyq jobasy — «Potter poiyzy» óziniń alǵashqy saparyna attandy, dep habarlaidy Ult.kz.

Eki saǵatqa sozylǵan bul erekshe saiahatqa 300-den astam jolaýshy, onyń ishinde balalar men ata-analar qatysty.

Siqyrly poiyz 6 vagonnan turady. Ár vagonda jolaýshylarǵa arnalǵan jeke qoiylym kórsetilip, barlyq vagonda bir mezgilde teatrlandyrylǵan baǵdarlama júrgizildi.

Osy saparda shamamen 15 akter Garri Potter áleminiń eń tanymal keiipkerlerin somdady. Jolaýshylar poiyz ishinde Garri Potterdi, Germiona Greindjerdi, Drako Malfoidy, professor Dambldordy, Severýs Sneggti, Dobbidi jáne basqa da súiikti keiipkerlerdi kórdi. Árbir akterdiń kostiými, beinesi men grimi muqiiat ázirlendi. Sonyń arqasynda qatysýshylar ózin naǵyz siqyr áleminde júrgendei sezindi.

Foto: QTJ

Balalar súiikti keiipkerlerimen sýretke túsip, áserli sátterin bólisti. Interaktivti oiyndarǵa belsene qatysqan balalarmen birge ata-analar da qoiylymnan erekshe áser aldy. Shoý baǵdarlamasy barlyq jastaǵy kórermenderden joǵary baǵaǵa ie boldy.

Jobaǵa qatysqan akterlerdiń barlyǵy — otandyq teatr sahnasy men kreativti indýstriianyń kásibi ókilderi. Qazirgi tańda shoý eki tilde usynylýda, al aldaǵy ýaqytta qoiylym tolyqtai memlekettik tilde ótkizilýi josparlanyp otyr.

«Potter poiyzy» 12, 18, 19, 25 jáne 26 qazanda jolǵa shyǵady. Qarasha aiynda da siqyrly poiyzdyń qatynaýy josparlanýda. Ár sapardyń uzaqtyǵy — 2 saǵat, baǵyt: «Astana-1 — Tastaq — Astana-1» (60 km). Jobaǵa qatysty tolyq aqparat pen jańartylǵan kesteni Instagram @poezd_pottera jáne @jolaushylar_tasymaly paraqshalarynan kórýge bolady.

Otbasylyq «Potter poiyzy» jobasy qazaqstandyq ivent-kompaniiasymen uiymdastyrylyp, Ulttyq tasymaldaýshynyń qoldaýymen júzege asyryldy.