Foto: QR Aýyl sharýashylyǵy ministrligi
Qazaqstanda alǵash ret ónerkásiptik aýqymda banan ósirile bastady. Bul týraly Aýyl sharýashylyǵy ministrligi habarlady.
"Túrkistan oblysynda ónerkásiptik kólemde banan óndirile bastaidy.
Túriktiń Gengroup Qazaqstan kompaniiasy óńirde banan otyrǵyzylǵan 5,3 gektar jylyjai keshenin saldy. Qazaqstannyń klimattyq jaǵdailaryna beiimdelgen banannyń sorty arnaiy ósirildi.
Jaqyn arada jylyjai taǵy 5 gektarǵa keńeitiledi, bul jylyna shamamen 1000 tonna banan óndirýge múmkindik beredi. Alǵashqy ónimdi 6-8 aidan keiin jinaý josparlanyp otyr. Ekzotikalyq jemisterden basqa, jylyjaida qyzanaq pen qulpynai ósiriledi", - delingen habarlamada.
Jobanyń quny birinshi kezeńde 4 million AQSh dollaryn quraǵan.
"Túrik kompaniiasy qurylys kezinde joǵary beriktigi bar qurylymdardy paidalandy, jylyjailar klimattyq baqylaýmen jáne beiimdelgish qorektendirý júiesimen jabdyqtalǵan, bul ósimdikterdiń genetikalyq áleýetin tipti qolaisyz aýa raiynda da tolyq ashýǵa múmkindik beredi", - delingen habarlamada.
