Qazaqstanda óńirlerdegi Jumyspen qamtý jáne áleýmettik baǵdarlamalar bólimderiniń ornyna áleýmettik baǵdarlamalar qyzmetterin qurý kózdelip otyr. Bul týraly Eńbek ministrligi habarlady.
«Jumyspen qamtý jáne áleýmettik baǵdarlamalar bólimderiniń ornyna áleýmettik baǵdarlamalar qyzmetterin qurý bastamasy bar. Júiedegi qaita qurý protsesterin tiimdi basqarý úshin jergilikti atqarýshy organdardyń áleýmettik qyzmetterin qazirgi kezdegidei osy mindetterdi oryndaýǵa emes, áleýmettik qyzmet kórsetý jónindegi jumystardy úilestirýge jáne uiymdastyrýǵa qaita baǵdarlaý kózdeledi», - delingen ulttyq jospardyń jobasynda.
Eske sala ketsek Qazaqstanda áleýmettik qyzmet kórsetý júiesi jańǵyrtylatyny ótken aida habarlanǵan edi. Qazirgi ýaqytta elimizde áleýmettik qyzmetkerler testten ótip jatyr.
Osy jyldyń 5 jeltoqsanyna deiin shamamen 12 myń adamdy synaqtan ótkizý josparlanýda. Test áleýmettik qyzmetkerlerdiń bazalyq bilim deńgeiin anyqtaý úshin ótkiziledi. Sodan keiin olar oqytylady.
Qujat jobasy «Ashyq derekter» portalynda ornalasqan.
