2021-2025 jyldar aralyǵynda respýblika boiynsha 12 myń shaqyrym avtjol salý josparlanyp otyr, dep habarlaidy QazAqparat.
Bul týraly Indýstriia jáne infraqurylymdyq damý ministri Beibit Atamqulov Úkimet otyrysynda aitty.
«Elimizde avtojoldardyń jalpy uzyndyǵy 96 myń shaqyrymdy quraidy. Onyń ishinde 25 myń shaqyrymy – respýblikalyq mańyzy bar kúre joldar, 71 myń shaqyrymy – jergilikti joldar.
2021-2025 jyldar aralyǵynda avtojol salasynda respýblikalyq mańyzy bar 12 myń shaqyrym avtojol salynyp, rekonstrýktsiialanady. Jyl saiyn 200 myń adam jumyspen qamtylady», - dedi vedomstvo basshysy.
Onyń aitýynsha, búginge deiin eldegi respýblikalyq mańyzǵa ie joldardyń negizgi bóligi kúrdeli jóndeýden ótip, 13 myń shaqyrym avtojol qaita jańartylǵan.
«Biyl respýblikalyq joldardyń 4,7 myń shaqyrymynda jol-qurylys jumystary júrgiziledi. 3,6 myń shaqyrym avtojol salynyp, qaita jańartylyp jatyr. Jyl qorytyndysynda 2,2 myń shaqyrym avtojoldy paidalanýǵa berý, 1,2 myń shaqyrym joldy ashý josparlanǵan. 1,1 myń shaqyrym jolda ortasha jáne kúrdeli jóndeý jumystary júrgizilip jatyr», - dedi ministr.
