2021-2025 جىلدار ارالىعىندا رەسپۋبليكا بويىنشا 12 مىڭ شاقىرىم اۆتجول سالۋ جوسپارلانىپ وتىر, دەپ حابارلايدى قازاقپارات.
بۇل تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ٷكٸمەت وتىرىسىندا ايتتى.
«ەلٸمٸزدە اۆتوجولداردىڭ جالپى ۇزىندىعى 96 مىڭ شاقىرىمدى قۇرايدى. ونىڭ ٸشٸندە 25 مىڭ شاقىرىمى – رەسپۋبليكالىق ماڭىزى بار كٷرە جولدار, 71 مىڭ شاقىرىمى – جەرگٸلٸكتٸ جولدار.
2021-2025 جىلدار ارالىعىندا اۆتوجول سالاسىندا رەسپۋبليكالىق ماڭىزى بار 12 مىڭ شاقىرىم اۆتوجول سالىنىپ, رەكونسترۋكتسييالانادى. جىل سايىن 200 مىڭ ادام جۇمىسپەن قامتىلادى», - دەدٸ ۆەدومستۆو باسشىسى.
ونىڭ ايتۋىنشا, بٷگٸنگە دەيٸن ەلدەگٸ رەسپۋبليكالىق ماڭىزعا يە جولداردىڭ نەگٸزگٸ بٶلٸگٸ كٷردەلٸ جٶندەۋدەن ٶتٸپ, 13 مىڭ شاقىرىم اۆتوجول قايتا جاڭارتىلعان.
«بيىل رەسپۋبليكالىق جولداردىڭ 4,7 مىڭ شاقىرىمىندا جول-قۇرىلىس جۇمىستارى جٷرگٸزٸلەدٸ. 3,6 مىڭ شاقىرىم اۆتوجول سالىنىپ, قايتا جاڭارتىلىپ جاتىر. جىل قورىتىندىسىندا 2,2 مىڭ شاقىرىم اۆتوجولدى پايدالانۋعا بەرۋ, 1,2 مىڭ شاقىرىم جولدى اشۋ جوسپارلانعان. 1,1 مىڭ شاقىرىم جولدا ورتاشا جەنە كٷردەلٸ جٶندەۋ جۇمىستارى جٷرگٸزٸلٸپ جاتىر», - دەدٸ مينيستر.
