"Qazgidromet" aldaǵy úsh kúnde 42 gradýsqa deiin aiaz bolatyny týraly messendjerlerde taraǵan aqparatty joqqa shyǵardy.
"Bul 2018 jyldyń 23 qańtarynda shyqqan jańalyq. Sol kezde osyndai aýa raiy boljamy jasalǵan", - dep túsindirdi "Qazgidromet" RMK baspasóz qyzmeti.
Sinoptikterdiń boljamynsha, 15-17 qarasha kúnderi Qazaqstanda aýa temperatýrasy shamaly kóterilip, sýyq bolady, qar-jańbyr jaýmaidy. Tek soltústik aimaqtarda ǵana qar jaýyp, burqasyndatady.
Buryn habarlaǵanymyzdai, qarasha aiynda ortasha ailyq aýa temperatýrasy klimattyq normaǵa jaqyn bolady, tek Pavlodar men Shyǵys Qazaqstan oblystarynda normadan bir gradýsqa tómendeidi dep boljanyp otyr.
