"قازگيدرومەت" الداعى ٷش كٷندە 42 گرادۋسقا دەيٸن اياز بولاتىنى تۋرالى مەسسەندجەرلەردە تاراعان اقپاراتتى جوققا شىعاردى.
"بۇل 2018 جىلدىڭ 23 قاڭتارىندا شىققان جاڭالىق. سول كەزدە وسىنداي اۋا رايى بولجامى جاسالعان", - دەپ تٷسٸندٸردٸ "قازگيدرومەت" رمك باسپاسٶز قىزمەتٸ.
سينوپتيكتەردٸڭ بولجامىنشا, 15-17 قاراشا كٷندەرٸ قازاقستاندا اۋا تەمپەراتۋراسى شامالى كٶتەرٸلٸپ, سۋىق بولادى, قار-جاڭبىر جاۋمايدى. تەك سولتٷستٸك ايماقتاردا عانا قار جاۋىپ, بۇرقاسىنداتادى.
بۇرىن حابارلاعانىمىزداي, قاراشا ايىندا ورتاشا ايلىق اۋا تەمپەراتۋراسى كليماتتىق نورماعا جاقىن بولادى, تەك پاۆلودار مەن شىعىس قازاقستان وبلىستارىندا نورمادان بٸر گرادۋسقا تٶمەندەيدٸ دەپ بولجانىپ وتىر.
