Búgin Úkimet otyrysynyń qorytyndysy boiynsha ótken baspasóz konferentsiiasynda investitsiialar jáne damý ministri Jeńis Qasymbek Qazaqstanda aldaǵy eki-úsh jyldyń ishinde 16 jańa ushý-qoný alańdary salynatynyn aitty, dep habarlaidy "Ult aqparat" Úkimet basshysynyń baspasóz qyzmetine silteme jasap.
Ótken 25 jyldyń ishinde tek iri aviatsiiaǵa basa kóńil bólingenine toqtalǵan ministr, sońǵy eki jyldyń ishinde arnaiy baǵdarlama qabyldap, shaǵyn aviatsiia salasy boiynsha birqatar jumystar atqarý josparlanyp otyrǵanyn baiandady.
«Bolashaqta elimizde 16 jergilikti ushý-qoný alańdary salynady. Ótken jyly Úrjar, Úsharal tárizdi shaǵyn áýejailar ashyldy, bul jumystardy ári qarai jalǵastyratyn bolamyz. Shaǵyn aviatsiiany qoldaý úshin biz arnaiy sýbsidiia bólip otyrmyz. Byltyr respýblikalyq biýdjetten Úrjarǵa sýbsidiia bólindi, endi Úsharalǵa, Balqashqa beremiz. Aldaǵy eki-úsh jyldyń ishinde budan basqa da jergilikti shaǵyn áýejailar salynbaq», — dedi J. Qasymbek.
Sonymen qatar, Almaty ákimshiligimen birlesip pilottyq rejimde «Jetisý» áýe kompaniiasynyń bazasynda shaǵyn aviatsiia salasynda jumys isteitin áýe kompaniiasy qurylmaq. Oǵan 20 shaqty ushaq alynatyn bolady.
Ministrdiń aitýynsha, byltyr Astanada on shaqty baǵyt boiynsha reister ashylǵan. Biyl da keminde 10 baǵyt ashý josparda bar.
«Olar – Resei qalalaryna, Aziiaǵa, Eýropaǵa ushatyn reister. Sondai-aq, Aqtaý qalasynan Dýbaiǵa ushatyn reis ashylady», — dep naqtylady J. Qasymbek.
.jpeg)