بٷگٸن ٷكٸمەت وتىرىسىنىڭ قورىتىندىسى بويىنشا ٶتكەن باسپاسٶز كونفەرەنتسيياسىندا ينۆەستيتسييالار جەنە دامۋ مينيسترٸ جەڭٸس قاسىمبەك قازاقستاندا الداعى ەكٸ-ٷش جىلدىڭ ٸشٸندە 16 جاڭا ۇشۋ-قونۋ الاڭدارى سالىناتىنىن ايتتى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
ٶتكەن 25 جىلدىڭ ٸشٸندە تەك ٸرٸ اۆياتسيياعا باسا كٶڭٸل بٶلٸنگەنٸنە توقتالعان مينيستر, سوڭعى ەكٸ جىلدىڭ ٸشٸندە ارنايى باعدارلاما قابىلداپ, شاعىن اۆياتسييا سالاسى بويىنشا بٸرقاتار جۇمىستار اتقارۋ جوسپارلانىپ وتىرعانىن باياندادى.
«بولاشاقتا ەلٸمٸزدە 16 جەرگٸلٸكتٸ ۇشۋ-قونۋ الاڭدارى سالىنادى. ٶتكەن جىلى ٷرجار, ٷشارال تەرٸزدٸ شاعىن ەۋەجايلار اشىلدى, بۇل جۇمىستاردى ەرٸ قاراي جالعاستىراتىن بولامىز. شاعىن اۆياتسييانى قولداۋ ٷشٸن بٸز ارنايى سۋبسيدييا بٶلٸپ وتىرمىز. بىلتىر رەسپۋبليكالىق بيۋدجەتتەن ٷرجارعا سۋبسيدييا بٶلٸندٸ, ەندٸ ٷشارالعا, بالقاشقا بەرەمٸز. الداعى ەكٸ-ٷش جىلدىڭ ٸشٸندە بۇدان باسقا دا جەرگٸلٸكتٸ شاعىن ەۋەجايلار سالىنباق», — دەدٸ ج. قاسىمبەك.
سونىمەن قاتار, الماتى ەكٸمشٸلٸگٸمەن بٸرلەسٸپ پيلوتتىق رەجيمدە «جەتٸسۋ» ەۋە كومپانيياسىنىڭ بازاسىندا شاعىن اۆياتسييا سالاسىندا جۇمىس ٸستەيتٸن ەۋە كومپانيياسى قۇرىلماق. وعان 20 شاقتى ۇشاق الىناتىن بولادى.
مينيستردٸڭ ايتۋىنشا, بىلتىر استانادا ون شاقتى باعىت بويىنشا رەيستەر اشىلعان. بيىل دا كەمٸندە 10 باعىت اشۋ جوسپاردا بار.
«ولار – رەسەي قالالارىنا, ازيياعا, ەۋروپاعا ۇشاتىن رەيستەر. سونداي-اق, اقتاۋ قالاسىنان دۋبايعا ۇشاتىن رەيس اشىلادى», — دەپ ناقتىلادى ج. قاسىمبەك.
.jpeg)