Foto:depositphotos.com
"Qazgidromet" sinoptikteri 8, 9 jáne 10 naýryz kúnderine arnalǵan aýa raiy boljamyn jariialady.
Meteorologtardyń málimetinshe, kóktem bastalǵanyna qaramastan Qazaqstan aýmaǵyna soltústik-batys tsiklondary áli de áser etip jatyr. Sonyń áserinen soltústikte qar jaýyp, boran soǵady, ońtústikte jańbyr men jylbysqy qar kútiledi, sondai-aq respýblika boiynsha jel kúsheiedi.
"9 naýryzdan bastap batystan antitsiklon jyljyp, ol Qazaqstan aýmaǵyna qarai taraǵan saiyn jaýyn-shashyn toqtap, aýa temperatýrasy tómendeidi. 10 naýryzda túngi ýaqytta soltústik óńirlerde aýa temperatýrasy minýs 12-20 gradýsqa deiin sýytady", – delingen habarlamada.
Eske salaiyq, buǵan deiin "Qazgidromet" naýryz aiyna arnalǵan aýa raiy boljamyn jariialaǵan bolatyn. Sinoptikterdiń aitýynsha, kóktemniń alǵashqy aiy jyly ári jaýyn-shashyndy bolady. Ortasha temperatýra klimattyq normadan 2 gradýsqa joǵary bolady dep kútiledi. Al jaýyn-shashyn mólsheri eldiń basym bóliginde normadan kóp, al ońtústik pen ońtústik-batysta shamamen qalypty deńgeide bolady.
