«Kazakh Tourism» UK» AQ tóraǵasy Erjan Erkinbaev elde agrotýrizmdi damytý modelin ázirleý úshin dalalyq zertteý jumystary bastalatynyn málim etti, dep habarlaidy QazAqparat.
«Osy aida Qazaqstanda agrotýrizmdi damytý modelin ázirleý boiynsha dalalyq zertteý jumystaryn bastaimyz. Osy jumys aiasynda týrizmniń osynaý áleýeti zor salasyn damytýǵa qatysty ońtaily amal-ádister usynylady. Almaty, Aqmola, Túrkistan oblystarynda qazir bul salany baiytatyn sharýashylyq túrleri óte kóp. Máselen ara sharýashylyǵy, baqtar, úlken fermalar negizinde óte kórikti týristik ónimderdi shyǵarýǵa bolady», - dedi Erjan Erkinbaev OKQ-da ótken baspasóz máslihatynda.
Kompaniia basshysy dál osyndai zertteý jumystary shipajailyq-kýrorttyq nysandarda da júrgiziletinin atap ótti. Osylaisha, eldegi kýrorttardy tanymal ete túser usynystar ázirlenbek.
«Qazirgi ýaqytta elde 145 shipajailyq-kýrorttyq nysan bar. Biraq, ókinishke qarai olardyń jumys reti sovettik kezeńdi eske túsiredi. Qyzmet sapasy dami qoimaǵan. Qazirgi ýaqytta osy saladaǵy túitkildi máselelerdi zerttep, shetelden suranysty arttyrǵymyz keledi», - dedi ol.
