Parlament Senatynyń Tóraǵasy Máýlen Áshimbaev qabyldanǵan jańa Ekologiialyq kodekke qatysty pikir bildirdi, dep habarlaidy "Ult aqparat".
Atalǵan qujat Senattyń jalpy otyrysynda eki oqylymda qaralyp, qabyldandy.
«Biz búgin Ekologiialyq kodekstiń jańa redaktsiiasyn jáne onymen qosa úsh ilespe zań jobasyn qaradyq. Olardyń el damýyndaǵy mańyzy zor. Ekologiialyq kodekstiń jańa redaktsiiasynyń jobasy Memleket basshysy tapsyrmasymen qolǵa alyndy. Bul qujat Parlamentta jan-jaqty talqylandy. Sonyń nátijesinde birqatar basymdyqtarǵa erekshe mán berildi. Eń aldymen, ozyq halyqaralyq tájiribelerdi eskere otyryp, «lastaýshy tóleidi jáne túzeidi» degen qaǵida engizildi. Iaǵni, kásiporyn ekologiiaǵa keltirgen zardaby úshin mindetti túrde ótemaqy tóleitin bolady. Al qazir olar aiyppuldaryn tólep, ári qarai tabiǵatty lastaýyn toqtatpai keledi», - dedi M. Áshimbaev Senattyń jalpy otyrysynda.
Sonymen qatar, qorshaǵan ortany qorǵaý is-sharalary úshin biýdjet qarajatynyń kepildendirilgen kólemi belgilenedi. Ol biýdjetke túsetin emissiia úshin tólenetin tólemniń 100 paiyzynan kem bolmaýy tiis. Munymen qosa, ekologiialyq zańnamany buzǵany úshin jaýapkershilik kúsheitiledi.
«Memleket basshysynyń tapsyrmasyna sáikes, aǵashtardy zańsyz keskeni úshin jaýapkershilik qatańdatylady. Senatorlar tiisti normalardy jan-jaqty pysyqtap, zań jobasyna engizdi. Soǵan sáikes aǵashtardy keskeni úshin salynatyn ákimshilik aiyppul kólemi 5 esege kóbeitiledi. Mundai quqyq buzýshylyq qaitalanǵan jaǵdaida nemese erekshe qorǵalatyn tabiǵi aýmaqtardaǵy aǵashtardy keskeni úshin jeke tulǵalarǵa 150 AEK, shaǵyn kásipkerlik sýbektilerine – 450 AEK, iri kásiporyndarǵa 1500 AEK-ke deiin aippul salynady», - dedi Senat tóraǵasy.
Onyń aitýynsha, keltirilgen shyǵyn 100 AEK-ten asyp ketse, onda zań buzýshylar qylmystyq jaýapkershilikke tartylady. Soǵan bailanysty dúnie múlkin tárkilei otyryp, aiyppul salý nemese túzetý jáne qoǵamdyq jumystarǵa tartý, sondai-aq qamaýǵa alý jazalary qarastyrylǵan.
«Zań kúshine engennen keiin ókiletti organ osy jáne basqa normalardy túsindirý jumystaryn sapaly uiymdastyryp, olardyń iske asyrylýyn qamtamasyz etýi kerek. Jalpy, Ekologiialyq kodeks jáne oǵan ilespe zań jobalary qorshaǵan ortany qorǵaý isinde elimizde jańa kezeńdi ashady dep senemiz», - dedi Máýlen Áshimbaev.
Aita keteiik, jalpy otyrysta senatorlar tolyqtyrǵan ilespe zań jobalary Májiliske qaitaryldy.
Búgin Senat depýtattary «Salyq jáne biýdjetke tólenetin basqa da mindetti tólemder týraly» Qazaqstan Respýblikasynyń Kodeksine (Salyq kodeksi) jáne «Salyq jáne biýdjetke tólenetin basqa da mindetti tólemder týraly» Kodeksin (Salyq kodeksi) qoldanysqa engizý týraly» Zańyna ekologiia máseleleri boiynsha ózgerister men tolyqtyrýlar engizý týraly» Zańyn qabyldady.
Eske sala ketsek, 23 qarashada túnde Almatyda saýda úiiniń janyndaǵy jaiqalǵan emen men qaraǵash otaldy. Bul týraly turǵyndar áleýmettik jelide narazylyq bildirdi.
«Qazir aýdan ákimdigi men politsiia departamenti kesilgen aǵashtardyń tuqymy men sapasyn anyqtaý úshin oqiǵa ornynda jumys istep jatyr. Aiypty tulǵalar anyqtalǵan soń Politsiia Departamenti olardy jaýapkershilikke tartady. Tolyǵyraq aqparatty anyqtaý jumystary aiaqtalǵan soń jariialaimyz», - dep málim etti qala ákimdigi.
Keiin Almaty qalalyq jasyl ekonomika basqarmasy saýda úiiniń aldyndaǵy aǵashtardyń jappai kesilýiniń mán-jaiyn anyqtady.
Prezident Qasym-Jomart Toqaev Almaty qalasy Tóle bi kóshesindegi aǵashtardyń otalǵanyna qatysty jaǵdaiǵa nazar aýdardy.
Memleket basshysy Almaty ákimi Baqytjan Saǵyntaevqa atalǵan jaǵdaiǵa bailanysty qyzmettik tekserý júrgizip, kinálilerdi jaýapkershilikke tartýdy tapsyrdy.
24 qarasha kúni qala ákimi Baqytjan Saǵyntaev máseleni óz baqylaýyna alǵanyn málim etti.
Búginde Almaty prokýratýrasy zańsyz aǵash kesý faktisi boiynsha tergeý júrgizip jatyr.
