Qazaqstanda alǵash ret adam saýdasyna qarsy kúres týraly zań ázirlenip jatyr. Ishki ister ministrligi qazir bul qylmys túrlerine qatysty jeke zań joqtyǵyn túsindirdi, - dep habarlaidy Tengrinews.kz agenttigi.
"Qazirgi basty baǵyttarynyń biri - Qazaqstanda adam saýdasyna qarsy kúres týraly zań jobasyn ázirleý. Adam quqyqtaryn qorǵaý jáne adam saýdasyna qarsy kúres salasyndaǵy halyqaralyq konventsiialarda ratifikatsiialanǵan kóptegen ereje ulttyq zańnamaǵa engizildi. Bul rette elimizde jeke zań qabyldanǵan joq", - dedi Ortalyq kommýnikatsiialar qyzmetinde ótken dóńgelek ústelde IIM Uiymdasqan qylmysqa qarsy kúres departamenti bastyǵynyń mindetin atqarýshy Qanat Nurmaǵambetov.
Tujyrymdamany ázirleý 2022 jyldyń qyrkúiegine deiin jalǵasady. Al zań jobasy 2023 jyldyń sáýirinde qabyldanady dep josparlanǵan.
"Jalpy, zań jobasy adam saýdasyna qarsy is-qimyl salasyndaǵy memlekettik saiasattyń quqyqtyq jáne uiymdastyrýshylyq negizderin qurýǵa, ýákiletti organdardy anyqtaýǵa, vedomstvoaralyq úilestirý jáne ózara is-qimyl máselelerin retteýge, kámeletke tolmaǵan jábirlenýshilerdi qorǵaýdy qamtamasyz etýge, adam saýdasynyń sheteldik qurbandaryna kómek kórsetýge, halyqaralyq mindettemelerdi oryndaýǵa jáne basqalaryna baǵyttalǵan", - dep túsindirdi Nurmaǵambetov.
Ol zań jobasynyń tujyrymdamasy tamyzda "Ashyq NQA" portalynda jáne eGov.kz saitynda jariialanatynyn aitty.
