QR Prezidenti janyndaǵy Memlekettik basqarý akademiiasynda «A» korpýsynyń memlekettik qyzmetshilerin qaita daiarlaý kýrstary bastaldy, dep habarlaidy "Ult aqparat" agenttiktiń baspasóz qyzmetine silteme jasap.
Kýrsty Memlekettik basqarý akademiiasy men Nazarbaev Ýniversiteti uiymdastyryp otyr.
Baǵdarlamaǵa memlekettik basqarý, kadr saiasaty, sheshim qabyldaý júiesi tásilderin jáne basqa da birqatar basym máselelerdi ózgertý boiynsha aldyna mańyzdy mindetter qoiylǵan tájiribeli, qalyptasqan iri qurylymdardyń basshylary qatysýda.
Agenttik tóraǵasy Anar Jaiylǵanovanyń aitýynsha, atalǵan kýrs QR Tuńǵysh Prezidenti – Elbasy N.Á. Nazarbaevtyń qoǵam qajettilikterine baǵyttalǵan zamanaýi memlekettik apparat talaptaryna jaýap beretin basshylardy daiarlaý týraly tapsyrmasyn iske asyrý maqsatynda júrgizilip jatyr.
«Strategiialyq kóshbasshylyq, ózgeristerdi basqarý jáne tiimdi kommýnikatsiialar syndy quzyretter Prezident Q.K. Toqaevtyń Joldaýynda qoiylǵan mindetterdi jedel jáne sapaly sheshý úshin mańyzdy. Ásirese, ekonomikalyq ósý qarqynyn qalpyna keltirý, halyqtyń ómir súrý sapasyn jaqsartý qajettigi men memlekettik organdar qyzmetiniń tiimdiligin túbegeili arttyrý jaǵdaiynda óte ózekti. Memlekettik basqarý men qoǵamdyq damýdaǵy júieli ózgeristerdiń zamanaýi trendteri men joǵary qarqyny eldiń strategiialyq mindetterin tiimdi sheshý úshin innovatsiialyq jáne inkliýzivti oilaý qabileti bar basshylardyń jańa býynyn qalyptastyrýdy talap etedi», - deidi Anar Jaiylǵanova.
