Qazaqstanda A-5 sanaty boiynsha investorlarǵa viza berýdiń sharttary ózgerdi, dep habarlaidy "Ult aqparat" QR Syrtqy ister ministrliginiń Investitsiia komitetine silteme jasap.
«Investitsiia komiteti investorlyq viza alýǵa ótinish berý merzimin elicense.kz portal arqyly elektrondyq túrde qujattardy alǵan kúnnen bastap 5 jumys kúnine deiin qysqartty. Bul rette ótinish berýshiler úshin «Azamattarǵa arnalǵan úkimet« memlekettik korporatsiiasy arqyly qujattardy qaǵaz túrinde berý múmkindigi saqtalǵan. Ony qaraý merzimi 11 jumys kúnge deiin. Budan basqa, endi investorlyq vizany alýǵa ótinishti jeke tulǵa da bere alady», delingen habarlamada.
Investorlyq vizalar Qazaqstan aýmaǵynda investitsiialyq qyzmetti júzege asyratyn jeke jáne zańdy tulǵalarǵa, sondai-aq olardyń otbasy múshelerine beriledi. Bul sanattaǵy viza boiynsha elde bolý merziminde shekteý joq. Iskerlik vizanyń iesi Qazaqstanda árbir kirý kezinde 60 táýlikten artyq bolmaýy múmkin.
Esterińizge sala keteiik, A-5 sanatyndaǵy investorlyq vizany alý rásimi 3 memlekettik qyzmetti qamtidy: QR Syrtqy ister ministrligi Investitsiialar komitetiniń investorlyq vizany alýǵa qoldaýhaty, QR Ishki ister ministrliginde shaqyrýdy resimdeý jáne Qazaqstannyń shet elderdegi mekemelerinde investorlyq vizany usyný.
«Koronavirýs infektsiiasynyń taralýy kezinde, biz jahandyq ekonomika men jalpy bizneske keri áserin kórip, iskerlik belsendiliktiń tómendeýin baiqap otyrmyz. Biz úshin bul úi jumysyn jasaý jáne protsesterdi ońtailandyrý ýaqyty. Jaqynda investitsiialyq kelisimshartty jasasý memlekettik qyzmeti onlain formatyna aýystyryldy, vizalyq-kóshi-qon qyzmetterin jeńildetip, avtomattandyrdyq», - dep atap ótti QR Syrtqy ister ministriniń orynbasary Almas Aidarov.
Karantin shekteýi kezinde 11 mamyrdan bastap vedomstvoaralyq komissiianyń (VAK) otyrysynda qabyldanǵan QR Memlekettik shekarasynan ótý tártibi qoldanylady. Oǵan sáikes árbir jeke jaǵdai úshin Qazaqstanǵa kelýine vedomstvoaralyq komissiianyń sheshimimen ruqsat etiledi. Sheteldikter Qazaqstan aýmaǵyna karantin talaptaryn saqtai otyryp kire alady.
