QR Indýstriia jáne infraqurylymdyq damý ministriniń mindetin atqarýshy Qaiyrbek Óskenbaev áýejailardyń karantindegi jumys tártibin túsindirdi, dep habarlaidy "Ult aqparat".
Onyń aitýynsha, memlekettik komissiianyń sheshimimen qazirgi ýaqytta 97 halyqaralyq baǵyt boiynsha aptasyna 440 reis jáne ishki reisterde 45 baǵyt boiynsha aptasyna 540 turaqty reis toqtatyldy.
«Almaty men Nur-Sultan áýejailary 1-13 sáýirge deiin jumysyn toqtatqan edi. Sodan keiin ushýǵa ruqsat berile me degen suraqtar kelip jatyr. Ol jaǵdaiǵa bailanysty bolady. Biz bas memlekettik sanitar dárigerdiń sheshimin kútemiz. Bizdiń ministrlik sol taraptan buiryq alǵan soń áýejaidy ashýǵa daiyn», - dedi Q. Óskenbaev Ortalyq kommýnikatsiialar qyzmetinde ótken brifingte.
Onyń aitýynsha, júk tasymaldaityn áýe kólikterine esh shekteý qoiylǵan joq.
