قر يندۋسترييا جەنە ينفراقۇرىلىمدىق دامۋ مينيسترٸنٸڭ مٸندەتٸن اتقارۋشى قايىربەك ٶسكەنباەۆ ەۋەجايلاردىڭ كارانتيندەگٸ جۇمىس تەرتٸبٸن تٷسٸندٸردٸ, دەپ حابارلايدى "ۇلت اقپارات".
ونىڭ ايتۋىنشا, مەملەكەتتٸك كوميسسييانىڭ شەشٸمٸمەن قازٸرگٸ ۋاقىتتا 97 حالىقارالىق باعىت بويىنشا اپتاسىنا 440 رەيس جەنە ٸشكٸ رەيستەردە 45 باعىت بويىنشا اپتاسىنا 540 تۇراقتى رەيس توقتاتىلدى.
«الماتى مەن نۇر-سۇلتان ەۋەجايلارى 1-13 سەۋٸرگە دەيٸن جۇمىسىن توقتاتقان ەدٸ. سودان كەيٸن ۇشۋعا رۇقسات بەرٸلە مە دەگەن سۇراقتار كەلٸپ جاتىر. ول جاعدايعا بايلانىستى بولادى. بٸز باس مەملەكەتتٸك سانيتار دەرٸگەردٸڭ شەشٸمٸن كٷتەمٸز. بٸزدٸڭ مينيسترلٸك سول تاراپتان بۇيرىق العان سوڭ ەۋەجايدى اشۋعا دايىن», - دەدٸ ق. ٶسكەنباەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, جٷك تاسىمالدايتىن ەۋە كٶلٸكتەرٸنە ەش شەكتەۋ قويىلعان جوق.
