- Búgin Parlament Májilisiniń jalpy otyrysynda palata depýtattary «Kollektorlyq qyzmet týraly» zań jobasyn birinshi oqylymda maquldady, dep habarlaidy Ult.kz tilshisi QazAqparat agenttigine silteme jasap.
«Kollektorlyq kompaniialar kópten beri paida bolyp, ómirimizge keńinen endi, biraq olardyń qyzmeti zańmen rettelmeidi jáne memleket tarapynan baǵalanbaidy. Qazirgi kezdiń ózinde shamamen 60 kompaniia banktermen jasasqan sharttar negizinde bereshekti óndirip jatyr. Bankterdiń 928 myń boryshkeri kollektorlyq agenttikterdiń óndirip alý úderisinde. Halyqtyń nesielik boryshy óte joǵary. Osy jaǵdaida boryshty óndirip alý boiynsha qatynastardyń rettelmeý problemalarynyń aýqymy bolashaqta ósedi. Qazaqstanda 5 mln. adamnyń banktik qaryz sharty bar», - dedi QR Ulttyq bankiniń tóraǵasy Daniiar Aqyshev.
Zań jobasynda bereshegin óndirip alý boiynsha jumysta tiimdilikti jáne qaýipsizdikti arttyrý, boryshkerlerdiń quqyqtary men múddelerin kollektorlyq agenttikterdiń zańsyz áreketterinen qorǵaý, kollektorlyq qyzmettiń ashyqtyǵyn arttyrý men ony retteý, turǵyndardyń senimin joǵarylatý tetikteri eskerilgen. Sonymen qatar onda kollektorlyq qyzmetti júzege asyrý barysynda týyndaityn qoǵamdyq qatynastar retteledi.
.jpeg)