Búkil Qazaqstan boiynsha 800 jańa mektep salynady. Bul týraly Nur Otan partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«Elimiz básekege qabiletti bolýy úshin bilim jáne mádeniet salasyn órkendetýge, jastardy qoldaýǵa basa mán berýimiz kerek. Búkil Qazaqstan boiynsha 800 jańa mektep salynady. Sonyń arqasynda biz apatty jáne úsh aýysymmen oqytatyn mektepterdiń máselesin tolyq sheshemiz» - dedi QR Prezidenti.
Sonymen qatar Memleket basshysy barlyq mektepter internetpen, kompiýtermen jáne pán kabinetterimen qamtamasyz etiletindigin atap ótti.
«Aýyl mektepteriniń damýyna erekshe kóńil bólinedi. Shaǵyn qalalar men aýdan ortalyqtarynda, aýyldyq jerlerde ornalasqan 5 myńnan astam mektep jańartylýy kerek», - dedi Qasym-Jomart Toqaev.
