Elimizde Ata zańǵa engiziletin ózgertýler men tolyqtyrýlarǵa qatysty ótkizilgen respýblikalyq referendýmda 8 030 739 azamat biýlleten aldy. Bul týraly QR Ortalyq referendým komissiiasynyń hatshysy Muhtar Erman aitty, dep habarlaidy QazAqparat.
«Ortalyq referendým komisssiiasy astana ýaqytymen saǵat 22.00-de elimizdiń barlyq óńirinde jáne 25 sheteldik ýchaskede daýys berý aiaqtalǵanyn habarlaidy. Qazaqstan Respýblikasynyń shet memleketterdegi ókildikteriniń janyndaǵy 40 ýchaskede daýys berý áli de jalǵasyp jatyr. Oblystardyń, respýblikalyq mańyzy bar qalalardyń jáne astananyń aýmaqtyq komissiialary usynǵan aldyn ala derekteri boiynsha azamattardyń referendýmǵa qatysý statistikasy mynadai boldy: Aqmola oblysy – 73,81, Aqtóbe oblysy – 58,06, Almaty oblysy – 72,83, Atyraý oblysy – 67,68, Batys Qazaqstan oblysy – 69,37, Jambyl oblysy – 69,59, Qaraǵandy oblysy – 77,39, Qostanai oblysy – 72,28, Qyzylorda oblysy – 79,89, Mańǵystaý oblysy – 61,19, Pavlodar oblysy – 75,53, Soltústik Qazaqstan oblysy – 75,49, Túrkistan oblysy – 80,66, Shyǵys Qazaqstan oblysy – 77,49, Nur-Sultan qalasy – 57,06, Almaty qalasy – 33,30, Shymkent qalasy – 72,53 paiyz», - dedi Muhtar Erman.
Onyń atap ótýinshe, elimiz boiynsha referendýmǵa qatysý múmkindigi jáne quqyǵy bar azamattardyń tizimine 11 734 642 adam engizildi.
8 030 739 azamat biýlleten aldy. Bul - daýys berýshiler tizimindegi azamattardyń 68,44 paiyzy.
«Referendým komissiialary daýys sanaýǵa kiristi. Erteń aýmaqtyq komissiialar hattamalarynyń elektrondy túrde túsýin kútemiz. Daýys berýdiń aldyn ala qorytyndysy brifingte jariialanady. Onyń ýaqyty qosymsha aitylady», - dedi Ortalyq referendým komissiiasynyń hatshysy.
