ەلٸمٸزدە اتا زاڭعا ەنگٸزٸلەتٸن ٶزگەرتۋلەر مەن تولىقتىرۋلارعا قاتىستى ٶتكٸزٸلگەن رەسپۋبليكالىق رەفەرەندۋمدا 8 030 739 ازامات بيۋللەتەن الدى. بۇل تۋرالى قر ورتالىق رەفەرەندۋم كوميسسيياسىنىڭ حاتشىسى مۇحتار ەرمان ايتتى, دەپ حابارلايدى قازاقپارات.
«ورتالىق رەفەرەندۋم كوميسسسيياسى استانا ۋاقىتىمەن ساعات 22.00-دە ەلٸمٸزدٸڭ بارلىق ٶڭٸرٸندە جەنە 25 شەتەلدٸك ۋچاسكەدە داۋىس بەرۋ اياقتالعانىن حابارلايدى. قازاقستان رەسپۋبليكاسىنىڭ شەت مەملەكەتتەردەگٸ ٶكٸلدٸكتەرٸنٸڭ جانىنداعى 40 ۋچاسكەدە داۋىس بەرۋ ەلٸ دە جالعاسىپ جاتىر. وبلىستاردىڭ, رەسپۋبليكالىق ماڭىزى بار قالالاردىڭ جەنە استانانىڭ اۋماقتىق كوميسسييالارى ۇسىنعان الدىن الا دەرەكتەرٸ بويىنشا ازاماتتاردىڭ رەفەرەندۋمعا قاتىسۋ ستاتيستيكاسى مىناداي بولدى: اقمولا وبلىسى – 73,81, اقتٶبە وبلىسى – 58,06, الماتى وبلىسى – 72,83, اتىراۋ وبلىسى – 67,68, باتىس قازاقستان وبلىسى – 69,37, جامبىل وبلىسى – 69,59, قاراعاندى وبلىسى – 77,39, قوستاناي وبلىسى – 72,28, قىزىلوردا وبلىسى – 79,89, ماڭعىستاۋ وبلىسى – 61,19, پاۆلودار وبلىسى – 75,53, سولتٷستٸك قازاقستان وبلىسى – 75,49, تٷركٸستان وبلىسى – 80,66, شىعىس قازاقستان وبلىسى – 77,49, نۇر-سۇلتان قالاسى – 57,06, الماتى قالاسى – 33,30, شىمكەنت قالاسى – 72,53 پايىز», - دەدٸ مۇحتار ەرمان.
ونىڭ اتاپ ٶتۋٸنشە, ەلٸمٸز بويىنشا رەفەرەندۋمعا قاتىسۋ مٷمكٸندٸگٸ جەنە قۇقىعى بار ازاماتتاردىڭ تٸزٸمٸنە 11 734 642 ادام ەنگٸزٸلدٸ.
8 030 739 ازامات بيۋللەتەن الدى. بۇل - داۋىس بەرۋشٸلەر تٸزٸمٸندەگٸ ازاماتتاردىڭ 68,44 پايىزى.
«رەفەرەندۋم كوميسسييالارى داۋىس ساناۋعا كٸرٸستٸ. ەرتەڭ اۋماقتىق كوميسسييالار حاتتامالارىنىڭ ەلەكتروندى تٷردە تٷسۋٸن كٷتەمٸز. داۋىس بەرۋدٸڭ الدىن الا قورىتىندىسى بريفينگتە جارييالانادى. ونىڭ ۋاقىتى قوسىمشا ايتىلادى», - دەدٸ ورتالىق رەفەرەندۋم كوميسسيياسىنىڭ حاتشىسى.
