QR Bilim jáne ǵylym ministrligi 8 kolledjdiń litsenziiasyn qaitaryp aldy. Osyǵan bailanysty olardyń qyzmeti tolyǵymen toqtatyldy, dep habarlaidy «Ult aqparat».
«Bilim jáne ǵylym salasynda sapany qamtamasyz etý komiteti oqý oryndarynyń bilim berý qyzmetine monitoring júrgizip, tiisti materialdyq-tehnikalyq bazasy joq kolledjderdi anyqtady. Ol oqý oryndarynda sabaq júrgizilmegen nemese mektep túlekteri sol kolledjderge (birinshi kýrsqa) oqýǵa túsýge qyzyǵýshylyq tanytpaǵan» delingen habarlamada.
Mysaly, Kókshetaý zań kolledji men Taldyqorǵan zań kolledjinde bilim alǵan stýdentter túlek atanǵan soń, atalmysh oqý oryndarynyń basshylyǵy litsenziialaryn óz erkimen qaitarý týraly sheshim qabyldady.
Jalpy barlyq jabylǵan kolledj stýdentteri basqa oqý oryndaryna ýaqytyly aýystyryldy jáne oqytýshylary jumyspen qamtamasyz etildi.
QR BǴM kolledjderdiń bilim qyzmetine qatysty monitoring jumystaryn jalǵastyrady.
.jpeg)