Jyl basynan beri elimizdiń birqatar óńirinde 8 esirtki zerthanasy joiyldy. Bul týraly QR IIM Esirtki qylmysyna qarsy is-qimyl departamentiniń basqarma bastyǵy Berikhan Nurǵaliev aitty, dep habarlaidy QazAqparat.
«Jyl basynan beri Nur-Sultan, Almaty, Pavlodar qalalarynda, Aqmola, Qaraǵandy jáne Soltústik Qazaqstan oblystarynda 8 esirtki zerthanasy anyqtalyp, joiyldy. Máselen, Petropavlda erli-zaiyptylar sintetikalyq esirtki ázirleýmen ainalysqan. Olar Jambyl aýdanyna qarasty Miroliýbovoaýylynda jasyryn zerthana uiymdastyrǵan. Úi satyp alǵan. Óndiriske qajetti preskýrsorlar men himiialyq sattardy TMD elderinen satyp alyp otyrǵan. Qaptamalar, shpritster, dárihana tarazysy, óndiris protsesi sipattalǵan jazba jáne 1 keliden astam sintetikalyq esirtki tárkilendi», - dedi ol IIM baspasóz qyzmeti alańynda ótken brifing barysynda.
Onyń atap ótýinshe, Almaty qalasynda iri esirtki zerthanasy joiyldy. Qalanyń Medeý aýdanyndaǵy saiajai aýmaqtarynyń birindegi jeke úide 2 adam sintetikalyq esirtki ázirlegen. Tintý júrgzý barysynda 12 keliden astam daiyn esirtki jáne mefedron ázirleýge qajetti qural-jabdyqtar men prekýrsorlar tártkilendi.
«Kúni keshe ǵana Aqmola oblysyna qarasty Arshaly aýylynda esirtki óndirisiniń joly kesildi. Bul aýqymdy arnaýly opeartsiiasynyń qorytyndysy sanalady. Nátijesinde elimizdiń birneshe óńirinde 4 zerthana joiyldy. Osy operatsiia barysynda 20 kelinden astam pirovaleron, esirtki jasaýǵa qajetti 2 400 litrhimikat alyndy. Sot-himiialyq saraptama taǵaiyndaldy. Asa iri kólemde esirtki jaiyndaý jáne satý, qylystyq top uiymdastyrý faktileri boiynsha qylmystyq is qozǵaldy», - dedi basqarma bastyǵy.
