© Sputnik / Abzal Kaliev
Kórshi elde ishinara mobilizatsiia jariialanǵan sátten bastap Qazaqstanǵa kelgen 70 myńǵa jýyq reseilik Halyqqa qyzmet kórsetý ortalyqtarynan jeke sáikestendirý nómirin alǵan.
Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi, dep habarlaidy Sputnik Qazaqstan.
"21 qyrkúiekten bastap 70 myńǵa jýyq reseilik sheteldikterge beriletin JSN aldy", - dedi Mýsin Úkimet kýlýarynda.
Ministr sheteldikterge JSN nege beriletinin túsindirdi.
"JSN tek bank kartasyn alý úshin ǵana qajet emes. Bizdiń elimiz úshin olardyń elge kelgenin jáne jasaǵan zańbuzýshylyqtaryn tirkeý mańyzdy. Sol sebepti JSN – nómir berý jáne búkil málimet bazasynda tirkeý. Bizdiń mindetimiz – olardy baqylaýǵa múmkindik jasaý", - dedi vedomstvo basshysy.
IIM basshysy Marat Ahmetjanovtyń aitýynsha, sońǵy eki aptada Qazaqstanǵa 200 myńǵa jýyq reseilik kirip, 148 myńy elden shyqqan. Sońǵy kúnderi reseilikter aǵyny tómendegen.
