Foto:sima-land.ru
Qazaqstanda 60-tan asa ákim orynbasaryna aiyppul salyndy. Bul týraly ekologiia ministri Erlan Nysanbaev Úkimet otyrysynda málimdedi, dep habarlaidy Ult.kz.
Ministrdiń aitýynsha, «Qazaqstan Ǵarysh Sapary» spýtniktik sýretteriniń kómegimen ruqsatsyz paida bolǵan qoqys oryndaryn anyqtaý múmkindigi bar.
Ekologiia departamentteri oqiǵa ornyna baryp, ár jaǵdaidy tirkeidi. Ári qarai, qoqysty joiý jóninde ákimdikterge nusqama beriledi. Eger bul talap oryndalmasa, jaýapty laýazymdy tulǵalar ákimshilik jaýapkershilikke tartylady.
«2024 jyly 164 laýazymdy tulǵa 9,4 million teńge kóleminde aiyppul túrinde jaýapqa tartyldy. Onyń ishinde aýdan jáne qala ákimderiniń orynbasarlary deńgeiindegi 61 laýazymdy tulǵa da bar», – dedi ministr.
Sońǵy jyldary zańsyz qoqys oryndarynyń sany azaiyp, olardyń joiylý kórsetkishi artqan. Mysaly, 2018 jyly 8,7 myń qoqys orny anyqtalyp, onyń 57 paiyzy joiylǵan bolsa, 2024 jyly 4,8 myń qoqys orny tirkelip, olardyń 91 paiyzy tazartylǵan.
