Elimizde 6-9 jas aralyǵyndaǵy balalardyń 20 paiyzynda artyq salmaq bar, dep habarlaidy QazAqparat.
Bul jaily búgin «Qazaqstandaǵy balalar semizdiginiń taralýyn zertteý» konferentsiiasynda QR Densaýlyq saqtaý ministriniń birinshi orynbasary Marat Shoranov málimdedi.
«Búginde balalar semizdigi – álemniń kóptegen elderimen birge Qazaqstandy da mazalap otyr. Elimiz osy ózekti máseleni nazardan tys qaldyrǵan joq.
Jalpy adam densaýlyǵy tek 10 paiyzǵa meditsina júiesiniń sapasyna bailanysty, al qalǵan 90 paiyzy qorshaǵan ortaǵa, ómir saltyna, ishken asqa tikelei qatysty. Respýblika aýmaǵynda balalar semizdigine orai zertteý júrgizilgen. Sonyń nátijesinde, 6-9 jas aralyǵyndaǵy balalardyń 20 paiyzynan artyq salmaq anyqtaldy. Onyń ishinde qyzdarǵa qaraǵanda uldardyń úlesi basym», - dedi ol.
Marat Shoranovtyń aitýynsha, 18 jasqa deiingi balalar arasynda semizdikke shaldyqqandar úlesi 6,5%-dy qurap otyr.
«Semizdik qalada turatyn balalarda, aýyldaǵylarǵa qaraǵanda kóbirek tirkelgen. Ministrlik balalar semizdiginiń aldyn alý úshin birqatar sharany iske asyrýda. Atap aitqanda, balalar tutynatyn taýarlardaǵy mailylyqty azaitý, quramyn ózgertý jáne oqýshylardyń durys tamaqtanýyn qamtamasyz etý úshin mekteptegi ashanalar mázirin tekserý jumystary júrgizildi», - dedi ministrdiń birinshi orynbasary.
