Qazaqstan Densaýlyq saqtaý ministrliginiń 2 sáýir 23:15-tegi deregine sai, elde taǵy 12 adamnan koronavirýs tabyldy: Soltústik Qazaqstan oblysynda - 3 adam, Nur-Sultan qalasynda – 6 adam, Atyraý oblysynda - 1 adam, Jambyl oblysynda - 1 adam, Shyǵys Qazaqstan oblysynda - 1 adam.
Elde qazir 435 adam virýs juqtyrdy. 27 adam dertinen aiyqty. Úsh adam qaitys boldy.
Virýs juqtyrǵandar myna aimaqtarda:
- Nur-Sultanda - 199 adam
- Almatyda - 91 adam
- Qyzylorda oblysynda - 26 adam
- Qaraǵandyda - 21 adam
- Atyraý oblysynda - 19 adam
- Aqmola oblysynda - 19 adam
- Shymkentte - 11 adam
- Soltústik Qazaqstan oblysynda - 11 adam
- Túrkistan oblysynda -11 adam
- Almaty oblysynda - 9 adam
- Jambyl oblysynda - 6 adam
- Aqtóbe oblysynda - 5 adam
- Batys Qazaqstan oblysy - 2 adam
- Shyǵys Qazaqstan oblysynda - 3 adam
- Pavlodar oblysynda - 1 adam
- Mańǵystaý oblysynda - 1 adam
Qazir eldiń basym bóliginde karantin jariialanǵan. 31 naýryzdan bastap Qazaqstanda jolaýshy tasityn poiyzdar jumysy tolyq toqtady.
Eldegi 2 sáýirdegi jaǵdai jaily mańyzdy aqparattar:
- AQSh halyqaralyq damý agenttigi (USAID) Qazaqstanǵa koronavirýspen kúresýge 365 mln teńge (800 myń dollar) kóleminde qarjylai kómek berdi. Bul týraly AQSh-tyń Qazaqstandaǵy elshiligi habarlady.
- Qazaqstan úkimeti koronavirýspen kúreske taǵy 125 milliard teńge bóldi. Buǵan deiin 23 milliard teńge bólingen. Jalpy soma – 148 milliard teńge. Bul qarjydan 40,6 milliard teńge koronavirýspen kúresip jatqan meditsinalyq qyzmetkerlerge berilmek. Bul týraly qarjy ministrligi habarlady.
- 2 sáýirde Aqtóbe oblysynda koronavirýs juqtyrǵan 72 jastaǵy áiel adam – osydan eki kún buryn Covid-19 dertine shaldyqqan er adamnyń sheshesi.
- 3 sáýirden bastap Petropavl qalasy karantinge jabylmaq. SQO-da jeti adam virýs juqtyrǵan. Arasynda medbike de bar.
- Almatyda eki adam jasandy apparatpen demalyp jatyr.
