Foto:novosti44.ru
Qazgidromet sinoptikteri 23-25 qańtar aralyǵynda Qazaqstanda aýa raiy qandai bolatynyn boljady, - dep habarlaidy Ult.kz, Tengrinews.kzke silteme jasap.
Sinoptikterdiń málimetinshe, Qazaqstan aýmaǵyna arktikalyq sýyq aýa aǵymy kledi. Aldaǵy úsh táýlikte el boiynsha temperatýranyń odan ári tómendeýi boljanyp otyr. 23-24 qańtarda soltústik-batys tsiklonynyń oiysy eldiń shyǵys jáne ońtústik-shyǵys óńirlerinde óz yqpalyn saqtaidy – munda qar, kei jerlerde kúshti qar jaýýy kútiledi, al qalǵan aýmaqtarda jaýyn-shashynsyz aýa raiy bolady.
Respýblika boiynsha boran, kóktaiǵaq, tuman, ekpindi jel kútiledi.
"Respýblika aýmaǵynyń soltústik jartysynda túnde aýa temperatýrasy 20-30 gradýs aiaz, kei jerlerde qatty aiaz – 35 gradýsqa deiin, kúndiz 13-20 gradýs aiaz, eldiń ortalyǵy men shyǵysynda 20-35 gradýs, keibir óńirlerde aiaz 40 gradýsqa deiin bolady, ońtústikte túnde 15-25 gradýs, kei jerlerde aiaz 28 gradýsqa deiin, kúndiz 5-15 gradýs aiaz bolady", – delingen habarlamada.
