Memlekettik hatshy, Qazaqstan Respýblikasynyń Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiia tóraiymy Gúlshara Ábdiqalyqova «Áielderdiń aýyldyq aimaqtardy ornyqty damytýǵa qosqan úlesi» atty Qazaqstannyń aýyl áielderiniń I forýmyna qatysty, dep habarlaidy "Ult aqparat" Aqordaǵa silteme jasap.
Jiynǵa Parlament depýtattary, Eýropa qaita qurý jáne damý bankiniń vitse-prezidenti E.Nelson, Eýropa Qaýipsizdik jáne Yntymaqtastyq Uiymy Astanadaǵy baǵdarlamalar keńsesi basshysynyń orynbasary D.Digol, Qazaqstan Respýblikasynyń Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń músheleri, memlekettik organdar, halyqaralyq uiymdar, azamattyq qoǵam ókilderi qatysty.
Gúlshara Ábdiqalyqova quttyqtaý sózinde Memleket basshysy Nursultan Nazarbaevtyń «Aýyl – altyn besik, aýyldyń amandyǵy – eldiń amandyǵy» degen sózine toqtaldy.
– Aýyl – halqymyzdyń birligi men biregeiliginiń, tarihy men mádenietiniń, el damýynyń qainar kózi. Iaǵni, aýyldy órkendetý memleketimizdi damytýdyń mańyzdy sharttarynyń biri bolyp sanalady, – dedi Memlekettik hatshy.
G.Ábdiqalyqova Qazaqstanda 4 millionǵa jýyq áieldiń aýylda turatynyn atap ótti. Olar búginde memlekettik basqarý organdarynda keńinen ókilettik etýde. Aýdandyq máslihat depýtattarynyń 512-si áiel, 5-eýi – aýdan ákimi, 348-i – aýyldyq okrýgter men kent ákimderi. Olar 60 myńdai aýyl turǵynyn jumyspen qamtityn 40 myńnan astam sharýa qojalyqtaryn jáne fermalardy basqarady. Ótken jyl qorytyndysy boiynsha jalpy quny 1,2 trillion teńgeniń azyq-túligi óndirildi.
Búginde 1,5 myń áiel Ónimdi jumyspen qamtý jáne jappai kásipkerlikti damytý baǵdarlamasy boiynsha óz biznesin tabysty damytýda. Baǵdarlama aiasynda 6 210 áiel biznesti bastaýdyń qyr-syryn oqyp-úirendi, jalpy quny 735 million teńge bolatyn 174 nesie berildi.
Sondai-aq, forým aiasynda Memlekettik hatshy Gúlshara Ábdiqalyqova Eýropa qaita qurý jáne damý bankiniń vitse-prezidenti Elizabet Nelsonmen kezdesti.
Qazaqstan Respýblikasy men Eýropa qaita qurý jáne damý banki arasyndaǵy yntymaqtastyqtyń ornaǵanyna 25 jyldan asty. Osy ýaqyt aralyǵynda jalpy quny 7,5 milliard eýro bolatyn 246 joba qarjylandyryldy. 2017 jyly Keńeitilgen seriktestik týraly negizdemelik kelisimniń merzimi uzartyldy.
Kezdesýde syndarly yntymaqtastyqty odan ári jalǵastyrý máseleleri talqylandy. Osyǵan oari Úshinshi jańǵyrýdy, «Tsifrlyq Qazaqstan» memlekettik baǵdarlamasyn júzege asyrý, sondai-aq «Astana Hab» IT-startaptardyń halyqaralyq tehnoparkin damytý aiasyndaǵy ózara is-áreket máselelerine basa mán berildi.
.jpeg)