مەملەكەتتٸك حاتشى, قازاقستان رەسپۋبليكاسىنىڭ پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا تٶرايىمى گٷلشارا ەبدٸقالىقوۆا «ەيەلدەردٸڭ اۋىلدىق ايماقتاردى ورنىقتى دامىتۋعا قوسقان ٷلەسٸ» اتتى قازاقستاننىڭ اۋىل ەيەلدەرٸنٸڭ ٸ فورۋمىنا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
جيىنعا پارلامەنت دەپۋتاتتارى, ەۋروپا قايتا قۇرۋ جەنە دامۋ بانكٸنٸڭ ۆيتسە-پرەزيدەنتٸ ە.نەلسون, ەۋروپا قاۋٸپسٸزدٸك جەنە ىنتىماقتاستىق ۇيىمى استاناداعى باعدارلامالار كەڭسەسٸ باسشىسىنىڭ ورىنباسارى د.ديگول, قازاقستان رەسپۋبليكاسىنىڭ پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ مٷشەلەرٸ, مەملەكەتتٸك ورگاندار, حالىقارالىق ۇيىمدار, ازاماتتىق قوعام ٶكٸلدەرٸ قاتىستى.
گٷلشارا ەبدٸقالىقوۆا قۇتتىقتاۋ سٶزٸندە مەملەكەت باسشىسى نۇرسۇلتان نازارباەۆتىڭ «اۋىل – التىن بەسٸك, اۋىلدىڭ اماندىعى – ەلدٸڭ اماندىعى» دەگەن سٶزٸنە توقتالدى.
– اۋىل – حالقىمىزدىڭ بٸرلٸگٸ مەن بٸرەگەيلٸگٸنٸڭ, تاريحى مەن مەدەنيەتٸنٸڭ, ەل دامۋىنىڭ قاينار كٶزٸ. ياعني, اۋىلدى ٶركەندەتۋ مەملەكەتٸمٸزدٸ دامىتۋدىڭ ماڭىزدى شارتتارىنىڭ بٸرٸ بولىپ سانالادى, – دەدٸ مەملەكەتتٸك حاتشى.
گ.ەبدٸقالىقوۆا قازاقستاندا 4 ميلليونعا جۋىق ەيەلدٸڭ اۋىلدا تۇراتىنىن اتاپ ٶتتٸ. ولار بٷگٸندە مەملەكەتتٸك باسقارۋ ورگاندارىندا كەڭٸنەن ٶكٸلەتتٸك ەتۋدە. اۋداندىق مەسليحات دەپۋتاتتارىنىڭ 512-سٸ ەيەل, 5-ەۋٸ – اۋدان ەكٸمٸ, 348-ٸ – اۋىلدىق وكرۋگتەر مەن كەنت ەكٸمدەرٸ. ولار 60 مىڭداي اۋىل تۇرعىنىن جۇمىسپەن قامتيتىن 40 مىڭنان استام شارۋا قوجالىقتارىن جەنە فەرمالاردى باسقارادى. ٶتكەن جىل قورىتىندىسى بويىنشا جالپى قۇنى 1,2 تريلليون تەڭگەنٸڭ ازىق-تٷلٸگٸ ٶندٸرٸلدٸ.
بٷگٸندە 1,5 مىڭ ەيەل ٶنٸمدٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسى بويىنشا ٶز بيزنەسٸن تابىستى دامىتۋدا. باعدارلاما اياسىندا 6 210 ەيەل بيزنەستٸ باستاۋدىڭ قىر-سىرىن وقىپ-ٷيرەندٸ, جالپى قۇنى 735 ميلليون تەڭگە بولاتىن 174 نەسيە بەرٸلدٸ.
سونداي-اق, فورۋم اياسىندا مەملەكەتتٸك حاتشى گٷلشارا ەبدٸقالىقوۆا ەۋروپا قايتا قۇرۋ جەنە دامۋ بانكٸنٸڭ ۆيتسە-پرەزيدەنتٸ ەليزابەت نەلسونمەن كەزدەستٸ.
قازاقستان رەسپۋبليكاسى مەن ەۋروپا قايتا قۇرۋ جەنە دامۋ بانكٸ اراسىنداعى ىنتىماقتاستىقتىڭ ورناعانىنا 25 جىلدان استى. وسى ۋاقىت ارالىعىندا جالپى قۇنى 7,5 ميلليارد ەۋرو بولاتىن 246 جوبا قارجىلاندىرىلدى. 2017 جىلى كەڭەيتٸلگەن سەرٸكتەستٸك تۋرالى نەگٸزدەمەلٸك كەلٸسٸمنٸڭ مەرزٸمٸ ۇزارتىلدى.
كەزدەسۋدە سىندارلى ىنتىماقتاستىقتى ودان ەرٸ جالعاستىرۋ مەسەلەلەرٸ تالقىلاندى. وسىعان واري ٷشٸنشٸ جاڭعىرۋدى, «تسيفرلىق قازاقستان» مەملەكەتتٸك باعدارلاماسىن جٷزەگە اسىرۋ, سونداي-اق «استانا حاب» ٸت-ستارتاپتاردىڭ حالىقارالىق تەحنوپاركٸن دامىتۋ اياسىنداعى ٶزارا ٸس-ەرەكەت مەسەلەلەرٸنە باسا مەن بەرٸلدٸ.
.jpeg)