2020 jyldyń toǵyz aiynda Qazaqstanda 50 656 avtokólik qurastyryldy. Olardyń arasynda jeńil jáne júk kólikteri, avtobýs tehnikasy men arnaiy mashinalar da bar. Bul týraly "Ult aqparat" «QazAvtoÓnerkásip» avtokólik salasyndaǵy kásiporyndar odaǵyna silteme jasap habarlaidy.
Esepti kezeńde Qazaqstanda shyǵarylǵan kólikterdiń jalpy quny 376,4 mlrd teńgege baǵalanyp otyr. Onyń ishinde jeńil avtomobil qurastyrý 42,4 paiyzǵa ósip, 42 498-ge jetti. Avtobýs tehnikasyn shyǵarý (1401 kólik) 65,2 paiyzǵa joǵarylady. Sonymen qatar, júk kólikterin qurastyrý (5273 kólik) 2,5 esege ósken.
Al respýblika turǵyndary jergilikti óndiristen shyqqan kólikterdi satyp alýǵa 337,6 mlrd teńge jumsaǵan. Bul kórsetkish bir jyl burynǵydan 61,8 paiyzǵa artyq.
Esepti kezeńde Qazaqstanda qurastyrylǵan jeńil kólikterdiń arasynda suranysqa ie brendterdiń bestigine Lada (13404 kólik), Hyundai (11509), Ravon (5414), KIA (4689) jáne Chevrolet (3563 ) endi.
Otandyq kásiporyndar usynatyn markalardyń tiziminde JAC (1268 kólik), UAZ (363) ári Skoda (233) bar ekenin atap ótken jón.
