Qazaqstanda 18 sáýir kúni 2719 adamnan koronavirýs anyqtaldy. Barlyǵynyń PTR-testi oń shyqqan. Densaýlyq saqtaý ministrligi koronavirýs pnevmoniiasy men adam ólimi boiynsha eki kún burynǵy málimetti jariialap keledi. 17 sáýirde 35 adamǵa koronavirýs pnevmoniiasy diagnozy qoiylǵan, 23 adam ólimi tirkelgen: 22 adam – koronavirýstan, 1 adam koronavirýs pnevmoniiasynan qaitys boldy dep aitylady.
Ótken táýlikte Almaty qalasynda - 665, Nur-Sultan qalasynda - 436, Almaty oblysynda – 251, Qaraǵandy oblysynda – 220, Aqtóbe oblysynda – 206, Batys Qazaqstan oblysynda – 205, Shymkentte – 114, Atyraý oblysynda – 110, Aqmola oblysynda – 98, Shyǵys Qazaqstan oblysynda – 85, Mańǵystaý oblysynda – 80, Túrkistan oblysynda – 53, Pavlodar oblysynda – 50, Jambyl oblysynda – 46, Soltústik Qazaqstan oblysynda - 35, Qyzylorda oblysynda – 35, Qostanai oblysynda 30 naýqas anyqtalǵan.
Koronavirýstan bir kúnde 1773 adam emdelip shyqqan.
Elde koronavirýs juqtyrǵany rastalǵandardyń jalpy sany 289 myńnan asyp otyr. 248 myńnan astamy jazylyp úlgergen.
19 sáýirdegi málimet boiynsha, 38 620 adam koronovirýs infektsiiasynan (38 218 KVI+ jáne 402 KVI-) emdelip jatyr. Olardyń ishinde 14 147 patsient statsionarda, 24 473 naýqas ambýlatoriialyq deńgeide emdelip júr.
KVI+, KVI- shaldyqqandardyń arasynda:
• 674 adamnyń jaǵdaiy aýyr;
• 176 patsienttiń jaǵdaiy óte aýyr;
• 99 naýqas ÓJJ apparatynda jatyr.
Densaýlyq saqtaý ministrligi 1 tamyzdan bastap Covid juqtyrǵany PTR ádisimen rastalmaǵan, biraq aýrý belgileri boiynsha soǵan uqsaityn koronavirýs pnevmoniiasynyń esebin júrgizip keledi. 1 tamyz ben 15 sáýir aralyǵynda pnevmoniianyń bul túrimen barlyǵy 51 879 adam tirkelgen. Onyń 751-i qaitys bolyp, 50 726 adam saýyǵyp shyqqan.
17 sáýirdegi málimet boiynsha COVID-19 belgileri bar pnevmoniiamen 35 jańa syrqattanýshy tirkeldi, 1 jaǵdai ólimmen aiaqtalǵan. 87 adam jazylyp shyqqan.
Elde 695 myńnan astam adamǵa koronavirýsqa qarsy ekpeniń bir dozasy salynǵan, 118 myńnan astamy eki dozasyn alǵan. Mamandar halyqtyń keminde 60 paiyzdan astamyna vaktsinanyń eki dozasy egilgen kezde ujymdyq immýnitet qalyptasýy múmkin ekenin aitqan.
