2019 jyldyń qorytyndylaryna sáikes, jergilikti joldardyń sapa kórsetkishi 71 paiyzǵa jetti. Ótken jyly el óńirlerindegi jaqsy jáne qanaǵattandyrarlyq jaǵdaidaǵy joldardyń úlesi 68 paiyzdy quraǵan bolatyn, dep habarlaidy "Ult aqparat".
«2020 jyly respýblikada joldardyń 4 myńnan astam shaqyrymy jóndeý jumystarymen qamtylyp, 350 joba júzege asyrylady dep josparlanýda. Sonymen qatar jaqsy jáne qanaǵattandyrarlyq jaǵdaidaǵy jergilikti joldar jelisiniń úlesi 75 paiyzǵa jetkizilmek», - delingen Indýstriia jáne infraqurylymdyq damý ministrligi málimetinde.
Aita keteiik, aldaǵy 5 jylda Qazaqstanda 2020-2025 jyldarǵa arnalǵan memlekettik «Nurly jol» baǵdarlamasynyń aiasynda joldardyń 25 myńnan astam shaqyrymy jóndeý jumystarymen qamtylady. Jaqsy jáne qanaǵattandyrarlyq jaǵdaidaǵy jergilikti avtomobil joldarynyń úlesi 95 paiyzǵa deiin jetkiziledi dep josparlanyp otyr.
Budan buryn habarlanǵandai, 2019 jyldyń qorytyndylaryna sáikes, jergilikti joldardyń sapa kórsetkishi 71 paiyzǵa jetti. Ótken jyly el óńirlerindegi jaqsy jáne qanaǵattandyrarlyq jaǵdaidaǵy joldardyń úlesi 68 paiyzdy quraǵan bolatyn.
