Sinoptikter 14-16 qarasha aralyǵyna arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Oral jáne Batys Sibir aimaqtarynan arktikalyq fronttar ońtústik-shyǵysqa qarai jyljidy. Saldarynan Qazaqstan territoriiasynyń kei jerlerinde burqasyn bolady. Soltústik-shyǵys jeli kúsheiedi. Kóktaiǵaq kútiledi.
Al fronttardyń artynan arktikalyq teńiz akvatoriiasynda qalyptasqan antitsiklon jyljidy. Sonyń áserinen respýblikanyń kóptegen oblystarynda kún sýytady.
Soltústik, ortalyq jáne shyǵys aimaqtarda túngi aýa temperatýrasy - 13 -18, kei jerlerde -20 -25 gradýsqa deiin tómendeidi. Bul ortasha kópjyldyq mánnen 4…10°S tómen.
Respýblikanyń batysynda ǵana osy kúnderi aýa temperatýrasy normaǵa jaqyn jáne jaýyn-shashynsyz.
