«QazAvtoJol» UK» AQ Basqarma tóraǵasy Ulan Álipov «Nurly jol 2» baǵdarlamasy boiynsha qyzý jumys júrgizilip jatqanyn málim etti, dep habarlaidy "Ult aqparat".
«Biyl bizdiń elde jóndeý jumystarymen 4 myń shaqyrym jol qamtyldy. Jalpy «Nurly jol 1» jáne «Nurly jol 2» baǵdarlamasy boiynsha jospardy oryndap kelemiz. Iaǵni 2015-2020 jyl aralyǵynda «Nurly jol 1» baǵdarlamasy boiynsha jumysty aiaqtap, 13 myń shaqyrym joldy qaita jóndeýden ótkizdik. 8 myń shaqyrym joldy I jáne II sanatty joldardyń qataryna engizdik. Biyldan bastap «Nurly jol 2» baǵdarlamasy bastaldy. Bul joly 2020-2025 jylǵa deiingi aralyqta jol jóndeý jumystary bastalady. Oǵan sáikes jalpy 24 myń shaqyrym joldy «jaqsy» jáne «qanaǵattanarlyq» jaǵdaiǵa jetkizýdi kózdeimiz. Onyń ishinde joldyń 60 paiyzy I jáne II sanatqa engiziledi», - dedi Ulan Álipov «QazAvtoJol» ulttyq kompaniiasynyń tikelei efirinde sóilegen sózinde.
Kompaniia basshysynyń aitýynsha aldaǵy bes jyldyń ishinde 11 myń shaqyrym jol jóndeledi.
«Biyl 2600 shaqyrym joldy asfaltty-betondy jabyndymen japsaq deimiz. Bul – rekordtyq kórsetkish. Atap aitqanda Qaraǵandy – Balqash – Almaty joldary osy jabyndymen qamtylady. Qazir osy aralyqta qyzý jumys júrgizilýde. Aqtóbe – Atyraý – Astrahan jolynda da jumys qarqyndy. Uzynaǵash – Otar, Qarabutaq – Komsomolskaia – Denisovka – Qostanai, Úsharal – Dostyq, Nur-Sultan – Petropavl, Taskesken – Baqty, Taldyqorǵan – Óskemen, Merke - Býrylbaital jolynda da jóndeý jumystary jalǵasýda», - dedi ol.
