Tabiǵi monopoliialardy retteý komitetiniń tóraǵasy Asan Darbaev 2021 jyly kommýnaldyq tarifter biylǵy deńgeide saqtalatynyn málim etti, dep habarlaidy QazAqparat.
«Bul turǵyda Memleket basshysynyń 2021 jyly tarifterdi saqtap qalýǵa qatysty tapsyrmasy bar. Aimaqtyq bólimshelerdiń bári atalmysh baǵytta aýqymdy jumys júrgizýde. Tabiǵi monopoliialar tarapynan jańa tarifterdi bekitý týraly 143 ótinim qaraýymyzda jatyr. Ótinim boiynsha berilgen ósim deńgeii barshylyq», - dedi Asan Darbaev OKQ-da ótken baspasóz máslihatynda.
Komitet basshysy bul ótinimder qaralatynyn jetkizdi.
«Buǵan deiin aityp ótkenimdei, bizde tarif ózgerisiniń oryndy bolýyn retteitin naqty erejeler bar. Olar – investitsiialyq baǵdarlamardyń tartymdylyǵy, tariftik smetalardy túzetý týraly erejeler. Osynyń bári bizge 2021 jyly halyq úshin tarifterdi 2020 jylǵy deńgeide saqtaýǵa kómektesedi», - dedi komitet tóraǵasy.
